210331細媽最後一日年假

今日係細媽上年度最後一日年假, 四月又回復正常. 媽咪返工, 細媽唔自己行山, 決定同我早出去散步.

210329覆診日

今日14:30覆診, 好多人呀, 等到接近 3 點先見到醫生.

醫生先問有無準時食藥, 我話因早上唔方便食藥, 已經改為做晚上12 點食, 晚上10 點後就禁食, 醫生話好. 因以前無報話我打過甲型肝炎疫苗, 報返先, 仲俾埋上年底公司體檢報告俾醫院做記錄, 我話係最後一份, 以後無了.

我睇到電腦屏幕有關我的資料, 今次驗血報告, 谷丙轉氨酶(ALT/SGPT)係27, 另外有個好似寫AP, 指數係 2, 我當時醒唔起問, 唔通係甲種胎兒蛋白 ??

醫生話我指數好穩定, 決定以後半年見護士, 護士會同我做 FIBRO SCAN, 半年見醫生, 佢話寫定張紙俾我, 定時自己去照超聲波, 下次帶來. 藥就開左 52 周(即一年)到下次覆診.

2021年 9 月 7 日上午 11:30驗血, 驗 AFP, HBV DNA, ETC.

2021年 10 月 6 日(星期三)下午 15:00 綜合模式護士診所覆診, 到徐展堂門診大樓地下7-9號窗登記俾$80, 跟住上二樓(1號房)門外等候. 覆診前三小時禁飲食.

2022年 3 月 7 日上午 11:30驗血, 驗 AFP, HBV DNA, ETC.

2022年 3 月 28 日下午 14:15覆診

210328周日快閃

 今日媽咪要因在中午有要事, 所以, 我地今早要快閃行下大圍就算.

210327長週的周六

今日星期六, 以往, 我地都會出去玩, 但媽咪份新工, 要返星期六上午, 即係以後係長週.

210324小探路 - 龍翔道公園

媽咪今星期一開始返新工, 所以, 細媽三月份最後兩次星期三大假, 都係得我同細媽咋.

佢話唔好浪費, 今日同我出去巡下.

210321厚雲下的舒適周日

 昨日熱到爆, 今日來到濱景花園起步.

210320傷口進度

醫生吩咐要早晚消毒同用 Intrasite Gel敷傷, 媽咪都好俾心機做. 昨日個傷口比起初好D.

我好乖, 覆診後, 都無舔腳, 媽咪放心, 我唔駛戴頭罩了.

210320周六小漫步

 周六喇, 我又可以出來呀. 因為傷口未埋好, 我唔可以行全程, 適合位置, 著返襪仔先落地.

210318除瘤疤第一天

醫生吩咐早晚消毒敷Gel同包紮, 今日, 媽咪戰戰兢兢咁做, 怕唔識點包.

210317肉瘤覆診日

3月5日做完冷凍治療除肉瘤, 今日返來覆診, 上磅 5.8 kgs.

210317周三周圍走

 細媽繼續銷大假, 但媽咪下星期返工, 今日係細媽三月假, 媽咪陪我地出去的最後一日.

210314星期日出車行

昨晚, 媽咪見我腳仔傷口好似有膿, 問左醫生, 話唔好同我出街了. 但唔可以唔帶婆婆出去行下, 我咪坐車囉.

210313城河坐車散步

 肉瘤都硬左媧疤, 問左醫生, 話可以著鞋仔或襪仔散步, 返來濕布抹乾, 咁今日就坐車車來大圍.

210311別了龜龜 - 長尾

今日, 婆婆見天暖了, 準備幫龜龜們清楚同俾糧餵佢地, 點知發現 "長尾" 唔郁, 跟住大叫話"長尾" 走左, 又話早幾日俾水佢, 唔飲, 呢幾日又無扒來扒去, 原來不知不覺走了. 可能自身有病, 我地唔知道啦.

亦記不起 "長尾" 幾時來我家, 只記得係 Kit Kit 在2000年上彩虹橋後, 我未出世前的日子. 

婆婆見過美美姨帶兩隻烏龜來我地屋企, 烏龜跟住婆婆走來走去, 婆婆好開心. 有日, 細媽同婆婆去金魚街, 有同類龜BB, 於是婆婆叫細媽買一隻. 所以,  "長尾" 大概係 20歲左右.

 "長尾", 別了, 一路好走. 天家再見.🌈

210307周六在家附近遊

今早, 細媽又係早起, 餵完我食藥, 買埋早餐, 自己行上山走一圈後, 買埋餸菜返來. 跟坐又同我地出去飯堂食午餐.

210306新車出巡

 細媽媽話我部舊私家車內框太細, 又離地矮. 叫媽咪另覓一部輕身又好瞓的. 因為農曆年假期停工, 新車終於在星期四送到. 昨日剛做完腳部冷凍治療, 唔可以落地行, 今日就全程坐車.

210305冷凍除瘤法

預約左今日三點前到診所做冷凍治療除肉瘤, 媽咪一人同我來.

210303覆診日

一早梳好頭髮, 大細媽一齊同我出門, 點知又來診所.