今日, 我同細媽都要返工, 揀左晚上時段來探洛洛.
其實, 姐姐在 14:45 打過電話來報平安. 今早痾左一粒便, 暫時未有尿.
問洛洛係咪好黐人, 因為困佢在籠, 佢見人就狂抓門要出來, 姐姐怕佢傷口爆, 於是放佢出來, 用繩縛在一個固定位, 佢就好安靜, 好乖, 只係在門隙望住哥哥姐姐做野. 係人都黐同嗲. 因為怕腸胃仍敏感, 用針筒餵 15 ML流質食物, 起初唔知係乜, 唔食, 後來, 姐姐放少少入佢口, 知係食得, 好乖食左. 要少食多餐.
我地又係在門外偷望, 佢應聞到我同細媽味道, 開始發出, 我地從未聽過的
見佢不停往門外索味, 心痛. 哥哥話佢身體狀況好好, 一D都唔知 15 歲, 可能係行山有關, 又肯主動飲水.
唔想騷擾佢, 聽哥哥報告今日情況後, 我地都先回家.
沒有留言:
張貼留言