200423CT報告

16/4 照完CT, 大細媽好心急, 要楓樹做好報告俾吳醫生, 醫生又要同佢地研究同商討下我粒十二指腸瘤位置, 終於, 診所在 21/4晚 9 點打來, 約大細媽今晚去聽報告.

吳醫生話報告如下:

脾臟有血瘤, 血瘤內積血多, 大細同超聲波出來 size 都差不多, 所以, 醫生才擔心易爆, 脾臟表面唔太平滑, 但以我年紀, 係正常. 

肝臟有幾粒黑影, 唔似係癌, 年紀大都會係咁.

淋巴腺大左D, 似係我早排成日痾軟便發炎, 無大問題.

十二指腸的腫瘤 (即上次手劃圖位置) , 肯定了位置比較隱蔽, 幸好粒瘤無大到阻擋腸道收縮, 所以同上月10 號建議咁, 先割脾臟, 順便割少少指腸瘤出來化驗下係良性定惡性. 

如果良性, 當然好啦. 媽咪話見我咁精神, 好有信心.

若不幸係惡性, 都有幾樣方法治療, 例如一個月兩次做化療, 未必需要再做手術割除. 事關位置問題, 需要割除瘤後, 把膽管同腸胃重新接駁, 大工程, 有一定風險.

醫生話要出左報告先知如何做, 暫時唔講太多.

醫生話最快係下星期二有期幫我做割除脾臟, 唔係大手術, 叫大細媽唔好太擔心. 但始終係做完手術後, 都要留院觀察會好D, 萬一有事, 可以即時處理. 預住院 3 - 5日, 視乎我傷口同內裡埋口情況, 一般兩星期可以拆線.

媽咪同細媽講, 決定左, 平常心, 上天會安排.