200405堅持降壓日

本來預左今日傾盆大雨, 昨日返去, 都大洗修毛同沖左涼. 

但今早 8 點幾, 細媽見只係毛毛雨, 問媽咪出唔出去行下降壓, 媽咪馬上彈起.

本來婆婆都準備好出門, 細媽見雨好似大左, 問婆婆仲出唔去, 婆婆話落雨, 唔出了.

所以, 最後得我地三母子出來.

想唔到, 一出獅子山隧道, 係兩個世界.

媽咪怕我行得太濕, 幫我著定雨褸.

估唔到, 周圍地都開始乾.

避開多人位, 都係行內街.

可能之前落過雨, 比昨日少人.

上星期來時, 以為係油桐花, 但再查, 原來係叫樹頭花, 又叫魚木樹, 多數種在道路旁.

今日又比昨日涼左.

一過橋, 好好風.

呢度都係呀.

太涼了, 都唔敢張口.

春天了, 好多雀鳥活動. 見到有幾隻大雀嗎 ?

原來, 無婆婆, 我地一樣慢.

過左沙燕橋, 過左 11 點, 回頭喇.

今日飯堂有無位呢 ?

姨姨見到我地, 都問係咪等咪婆婆先點餐.
所有姨姨經過, 都問婆婆無出來咩 ?
大細媽要不停解答.
婆婆, 你下次都係出來啦, 免得個個姨姨問你點解唔出來呀..