今日情人節, 我同我o的情人, 即係大細媽及婆婆, 準備行條短線, 再回家慶祝節日
媽咪諗住近近地, 由家行往獅子山腳, 再上山的香港回歸紀念亭, 轉落去紅梅谷
天氣回溫暖, 粉紅洋蹄甲花開滿樹
仲有白色添
我地上竹圍村, 沿竹圍道行, 見呢個位轉上獅子山公園
行多兩步就到喇
呢度係大細媽及舅舅們細過時, 公公成日帶佢地來玩, o依家變得好石屎化了
而且我又唔入得, 只有過門而不得入, 無緣同大細媽懷念以前歡樂氣氛
準備向右轉上山, 竟然發現隻大馬騮
佢行來行去, 好彩佢行落山咋
我地在呢個指示行上獅子山
但行左幾十級石級, 媽咪執起支樹枝傍身,
再行多幾十級, 有兩隻馬騮由樹跳下, 仲欄了去路, 加上佢地慢慢步向我地,
媽咪見勢色不對, 而且又唔敢保證打後仲有冇馬騮, 就速速催促細媽同婆婆落山
無奈要中止今次行程, 又無可能就咁返屋企喎, 於是跳上的士, 繼續未完之旅
又係馬騮
回覆刪除