今年年初三叫鴨團暫緩, 見天氣唔錯, 我地一家一於入去三椏村叫鴨做節.
8:25起步, 好耐無見咁好天, 係出來時刮大風, 入到來烏蛟騰, 風停了.
溫度在 12 度左右, 著夠衫就無問題.
入分岔位, 先由下路的上下苗田入三椏村.
呢帶的泥土較濕, 又多石級碎石, 婆婆手拿手杖就行路安全.
在大石小溪小休.
為左唔想我腳仔弄濕, 每過小溪或泥漿地, 媽咪都抱我.
所以, 今日保持到手腳都唔污糟.
見紅石, 即到三椏涌.
我都快 11 歲, 大細媽怕我身手無以前咁敏捷, 還是抱我會保險些.
入印塘洲.
真係好開心.
因為好耐無入來.
呢帶靚景, 百看不厭.
仲有, 可以在合益蜂場食下客家菜.
一家四口, 四碟美食.
我都有份, 媽咪用熱水沖洗左三大塊雞胸肉, 一年一次, 唔怕啦.
食飽.
去碼頭吹吹海風.
今日趕時間去買戲票, 要回程啦.
我第一次來三椏涌, 紅樹林及蘆葦海仍未成形, 仍是小樹苗.
快 8 年, 依家幾高幾壯.
我希望繼續每年都同婆婆來.
入夏前, 希望又來多次.
上犁頭山山路, 已經係中午, 開始熱.
還是要脫衣了.
終於夠膽張口大笑.
婆婆, 努力呀.
今日都好少行山人, 可能大家忙準備過節啦.
又回到分岔位.
今日好乾燥, 回程時, 我都飲左好多水補充水份.
三點又回到烏蛟騰.
媽咪電召的士, 好快就有車來. 同司機傾開, 佢話少左人行山, 大部份司機都唔會吉車入烏蛟騰, 主力在市中心接生意, 佢剛好在附近, 又怕吉車出市中心又塞車, 一於接 call, 否則我地都幾難有車走. 年尾, 我地都咁好彩, 真幸運呀. 明年都要全年都咁 Lucky.
沒有留言:
張貼留言