160223細媽與我

上星期二, 細媽放大假, 今日又放呀, 於是, 細媽與我又同行.

兩母子, 行快D, 今日一於由大水坑起步.

我紮好馬步, 攀實欄杆, 細媽幫我戴好帽, 紮好尾仔, 睇我馬步幾穩.

出發, 但竟有毛毛雨.

放鬆後, 因地太濕, 細媽都係抱返我.

到沙田醫院, 見雨停, 我自己行.

起初仲保持乾爽.

過划艇中心, 我四腳濕晒了.

唔通又抱咩.

但行左咁耐, 又真係唔見媽咪同婆婆在後方.

真係得我同細媽咋.

今日唔過對岸.

一心一意向目標前進.

細媽 : 等埋阿媽呀.

我要幫你霸位呀.

細媽至愛車仔麵, 我的雞乾唔駛上鏡.

兩母子補充體力後,

當然向另一目標進發.

今早, 天陰陰, 地濕濕, 但現在都乾身了.

本來想在沙田市中心走, 最後都決定往大圍.

一連兩星期, 細媽都放大假.

唔知下星期有無呢.

今日額外運動都唔錯, 仲可以回家同細媽瞓晏覺.

過左元宵, 細媽都會拆利是, 我同細媽加埋都收到好多, 細媽, 你記得聽日返工, 入返我個利是戶口呀.