160227東龍島的生日前夕

今星期日, 就係我 11歲生日, 星期六, 當然有好安排. 大細媽昨日同時都想到東龍島, 而且知會間中有陽光, 又吹和緩 2 - 3 級東北風, 天氣相信唔錯, 一於決定.

全家在 6 年後, 再踏足東龍島.

想早出發, 一於坐頭班船.

我地怕多人, 8點就坐車來買船票.

除左去塔門, 好耐無坐船, 船摩打好嘈, 我有點驚, 俾船上乘客笑我乖乖坐定定.

佢地話見其他狗狗上船後, 會通船走.


半小時船程, 登岸了.

因預時間影相, 今日都唔會行去鹿頸灣咁遠, 怕唔敢時間.

過村後, 我開始行程.

細媽又整左個生日蛋糕俾我影相.

佢話希望繼續可以年年都新制個蛋糕俾我.

唔知聽日, 有無真蛋糕呢 ?

落去石刻, 來回差不多 450級, 第一次來時, 我地睇過, 今日唔行了.

但觀景台周邊海景唔錯.

係暫時大煙霞左.

細媽話咁快轉頭, 怕在另一邊炮台, 用唔晒時間, 去埋鹿頸灣, 來回又趕.

所以, 我地再行遠少少.

在高位停下影相.

然後又折返.

婆婆, 如果你唔 hea, 我地都夠時間行遠點.

回程風景, 感覺又不同.

開始覺雲層薄了.

返回南堂村, 又向炮台進發.

船未到岸, 乘客急不待起身, 急住上岸. 佢地肯定想霸好露營位置.

身後係牙鷹石, 亦稱飛鷹石或蟾蜍石, 好似好高, 我地唔想婆婆爬埋上去, 從來未上過.

蛋糕來了, 唔可以浪費.

佛堂門小沙灘.

藍天呀.

到露營區, 我單獨入左石屋八卦, 再上東龍炮台.

咁熱呀.

都係外邊舒服.

上懸崖邊.

危險, 唔好行太近.

返去露營區, 時間仲有好多, 食少少野當午餐.

我地又去另一邊行下.

貼近石灘, 風景更加正.

白雲走了, 天更藍.

媽咪話想行上高些, 婆婆唔肯上, 佢在平地等我地.

上高點, 看遠點.

但肚仔有點餓.

都係食啖蛋糕解餓.

嗯, 蛋糕有雞味 :P

厭唔夠高, 再上.

玩夠, 慢慢回程.

好似仲早喎.

我地叫婆婆自己慢慢行去碼頭, 我地回頭玩多陣再匯合, 細媽提議上牙鷹石, 無問題.

剛才在露營區果邊影相, 陽光足, 現在, 我地要上高, 雲又配合我地多了.

攀高, 有風吹, 剛剛好.

行左一半, 我地見婆婆又回頭, 剛好在我地上山位等我地.

近眼睇, 舊岩石真係好特別.

又大舊.

要落返去, 匯合返婆婆喇.
原來, 婆婆話去碼頭等又好戇居喎, 諗住回頭搵我地, 見我地在半山, 咪在山下等.

預左 15:40PM船, 玩到兩點半, 咪去飲杯野, 婆婆想食紅豆沙, 點知媽咪點左山水紅豆冰, 惟有將自己杯熱蜜糖咸柑桔俾婆婆, 佢飲到身震呀 XDXD