130224昂坪下大水井

今日又貫徹媽咪方針, 前一日長征後, 翌日就 Hea 下, 養生喎
去邊好, 去邊好, 一於上昂坪啦
我地又係坐的士來到馬鞍山郊野公園燒烤場才食早餐, 一來可以臨起步時前下廁所, 二來的士最多上到馬鞍山村, 未必肯再上遠點, 因為保險未必包, 有乜意外, 佢地就大件事呀 

通常細媽抱我行一小後段, 過了小橋的士多, 避開士多的幾隻狗地, 我就會自己行返

今日天氣, 太陽伯伯應該唔會早出勤, 甚至未必開工

佢唔出來, 我覺得有點凍到震, 不竟次次上昂坪都吹大風...

今日無陽光照耀, 樹林失色了....

媽咪想入夏前行下九曲山, 希望今次唔會又行行下落大雨啦

又好似好耐無去鹿巢山, 究竟媽咪會唔會安排呢

途中又見一群牛牛, 因為細媽怕我走去打招呼, 急急抱起我行過.....仲入左去露營區玩左一陣先出來....


到昂坪大平原, 幾好風呀....


咦, 果邊有野睇喎.....

原來有人準備玩滑翔降落傘.....


走埋去八下先.....


佢地正等合適風向....

一直係咁試飛....

嘩, 隻滑翔傘周圍吹, 我走去安全地方先.....

距離遠些, 安全又唔阻人.....

終於順利起飛....

Bye Bye, 下次有機會再見

又另有一位外籍姐姐, 單人揹個傘上來玩....

佢試左好多次, 又唔未成功升空....

仲俾個傘拖行, 好彩有驚無險, 但細媽話好凍呀....


我地唔再睇, 走人了....

到分岔路, 我地離開馬鞍山郊遊徑....


準備行多段路, 去茅坪轉大水井古道落菠蘿輋...

今日少了人行山同跑步, 我估好多人去左參加馬拉松比賽...

行一小段梅北古道去大水井古道....

現在專心行喇, 因為剛好遇到兩位中年夫婦同行, 媽咪一路同人吹水傾行山同狗仔經, 咪無閒停低影相o羅

話咁快, 我地就到大水井

原本同兩位叔叔姨姨預在躉場嗆落去西貢市中心, 已經 Say Goodbye, 點知佢地見我地行呢邊落, 佢地又跟住試下, 最後我地在姐姐店舖前先道別

上星期回家途中, 見球場的玉棠春含苞待放, 上年開花前, 天氣又凍又雨壞了花苞, 今年天氣好, 所有全都盛開了

因為棵樹是生在球場內.....

媽咪只能伸個鏡頭, 越過鐵絲網影咋
\