130216三不離四

昨晚去媽咪諗去邊好呢
突然見東邊有雨, 偏東海洋潮濕氣流吹來, 知道如果去西貢未必好, 不如行下西南邊, 既然大年初一行了港島一、二段, 一於行港島徑第三段, 打算香港仔入, 香港仔走....


今日有預備左午餐同足夠食水, 坐車到香港仔中心行上貝璐道, 計劃行完第三段, 再沿香港仔水塘道落回水塘....

好快經過福地.....

準備開始第三段....

第三段只有 6.5 公里, 主要係在山腰行, 一D唔難... 

沿路經過好多溪澗....

起步係石屎路慢上...

在分岔位轉右上, 直上可以到山頂道.....

分岔位必定有指示....

入泥徑喇....

絕大部份路在樹蔭下, 好彩呢頭無雨落過, 泥路好乾爽....

周圍都係咁風景, 所以專心一致行....

媽咪覺得反正仲未行過第四段, 三不離四, 提議今日一次行晒佢, 我當然無問題喇....

沈悶的樹蔭, 終於有突破, 有舊突出大石做點綴....

行無耐, 又有電纜架, 呵呵....

中途又有分岔路轉回貝璐道.....

認清目標, 緊記地圖, 想點行, 就點行....

沿途溪澗小瀑布....

大雨後, 會唔會好危險呢....

有路上和福道, 但去豪宅區都幾難搵車走....

見到香港仔水塘道, 代表快完成第三段....

完成一段了, 第四段都係 7.5 公里, 官方時間預兩小時, 時間尚早, 我地決定完成埋佢....

唔想行, 都可以行 15 分鐘上返去灣仔峽, 果度有巴士同小巴回中環o架....

媽咪前一晚睇過其中一個網站資料, 話有些路要上梯級, 要行陡斜路, 係咁辛苦咩....

係喎, 有梯級喎, 但同三支香相差好遠...

唔通大水管壓頂好艱辛


又有分岔位上返灣仔峽, 真係中途退出都好易....

不斷經過石拱橋, 大細媽想起, 我地都曾經行過呢度, 有次係由灣仔行上來, 再在香港仔水塘周圍小徑兜兜轉, 行晒水塘咁多條小徑, 包括金督馳馬徑....

今日早仲覺涼, 午間時分, 太陽破雲而出....

咦, 果邊係黃竹坑呀....

仲見到海洋公園, 婆婆又話想去, 明明上年6 月, 兩位表姐先同佢去玩過....

暖暖陽光, 慢慢欣賞風景, 我地係唔會太急行, 一來要就婆婆, 二來唔想錯過四處美景....

樹梢位見到水塘, 本來在今日計劃中, 臨時變卦, 改下次先....

十字路口, 可以去上下水塘o架......


我僅係認住孖人公仔行....

接上引水道....

媽咪見到個"心", 全家一定心想事成, 但又似條龍, 又可以龍精虎猛, 行得快, 就會走寶呀....

行行下, 停步深深吸一口清新空氣....

望望藍天, 任何煩惱都暫時消失.... 

噢, 又幸福天梯, 唔通真係咁惡行....

細媽一路上, 一路數, 得 108 級咋.... 

又由泥路接回石屎路....

都算有少少難度啦....上斜喎

又有分岔位去灣仔峽, 真係多選擇....


我地要跟孖人去布力徑.... 

沿路都係望實黃竹坑, 幾時會轉景.....

呢段路, 建在岩壁邊, 當年建築工人建造呢段路都幾辛苦.....

到中峽觀景台, 看圖識地

天氣早回暖, 都預吊鐘花期過晒, 又俾我地見到呀, Good Luck

好多吊鐘已經長了嫩葉, 下年賞花又要睇時機了.....

到布力徑喇.....

仲有 1.75公里就到黃泥涌峽道.....

媽咪話呢段路危險, 成日有衰人放毒餌, 好多狗地錯食毒餌而死....

我聽實媽咪話, 大細媽亦一眼關七睇實我....

咦, 見到豪宅車路, 我今日行程要結束....

細媽抱我行埋餘下一小段....

三不離四, 但四要絕五, 第五段上年行過了....

今日10 點行到 4 點, 行左約 15.5 公里, 又玩又影相, 完成了第三及第四段
我地分年分日, 斬件行晒全條港島徑七段喇, 好滿足呀 
仲有第六段 H065 至 H068 的 1.5公里未行過, 但H060 至 H065 的一段, 係與東區自然步道重疊, 咁可唔可以當我地行晒 八段呢