2013年2月3日

130203大欖郊野公園氹氹團

昨日無街去, 今日點都要出來跑跑, 天文台話可能有一兩陣雨, 媽咪唔敢博行山路, 一於揀麥理浩徑第九段荃錦坳, 在大欖郊野公園內, 睇天睇時間左穿右插氹氹轉, 就算咁好彩雨雲走在我地頭頂都唔怕



管理處入口的桃花已經盛開....


而另一棵櫻花都開得好靚添.....


可惜部 J1 加支標準影唔到太遠花朵.....


媽咪見起身時, 屋企附近的山頂都有厚雲遮掩, 以為來到荃錦坳會處於煙霧迷漫中...



想唔到天氣相當唔錯....



雲層雖然厚....



但陽光在薄雲中透出光輝.....



雲有金光, 好似黃昏來了....






我地未夠 8 點半已經起步行, 今日有越野長跑同越野定向, 長程隊伍先起步, 大隊人趕上來了...


雖然有煙霞, 但望落錦田平原都算清楚.....



我地覺得天公對我地好好....


有點點陽光, 有點點風, 有點點雲擋....



行山絕對舒服同合適....



見藍天, 但太陽又俾雲遮住....



媽咪話睇天, 應該白天時間都唔會有雨, 媽咪話今日最終目的地係落返去深井.....
我地成兩年無落上塘, 開始今日氹氹轉之旅, 絕無特定路線....



去上塘係落一大段大斜路....


沿石屎小徑行, 唔易盪失路....






到小橋, 媽咪又老人痴呆症發作, 話好似唔係過橋, 在我身後左邊轉出去...


轉左出來, 係就係有一大片空耕地, 亦有好多絲帶記號, 但唔係我地想行的路....



要行返轉頭呀....



返轉頭, 過返小橋, 見大斜路就o岩, 又開始幸福天斜


明明得果幾分鐘, 婆婆老作半個鐘



婆婆前一次來就作大話行左半個鐘, 今日就俾大細媽一路行, 一路笑



近初春, 呢種喬木又開花, 但媽咪以前曾經搵過學名, 但又忘記了...


搵o岩路, 轉了出上塘的大草原, 其實以前係一大片農耕地, 如果有雨水就變泥濘地, 我就唔可以企上去....


荒廢了的"文苑"



屋前遺留了以前的農具, 婆婆話佢細時在鄉下都係用呢D石椿o架....


婆婆話呢舊係石鎖, 用來縛牛防失走...


灶頭....


欣賞完上塘又繼續行程....


我地出返去元荃古道都係 11:10am, 去荃灣太早了, 我地向田夫仔方向轉下先...



繼續行泥徑都無問題....



太陽伯伯開工喇...


落 624 級石級, 好易o者...



當接返車路, 媽咪話唔行官方元荃古道, 轉去水管徑繼續行去田夫仔...






哈哈, 又轉返出來....


12:08am咋, 駁返去古道入口位先.....


午餐時間差不多到, 我地去返清快塘先....





今年天氣早回暖, 都預左吊鐘花會早開, 但早前天氣太好, 前兩星期我地勇攻了兩個高山, 無時間去賞吊鐘花, 今日都見好多吊鐘樹開完花, 見一兩棵都好開心....


我地在C6112 涼亭大休同食點野就繼續走....



都未到 1 點, 當然唔轉落清快塘去深井, 一於轉多個大轉先....


媽咪話唔行車路, 要再行多D路, 於是轉返落去元荃古道....









見C6115, 我地又轉落去圓墩郊遊徑去青龍頭方向...


到分岔位, 睇清方向....



目標向圓墩就正確, 否則去錯大欖水塘就要行另一條較長路返青龍頭


又見淍零的吊鐘花....




行行下, 細媽話有印象話11年12月, 無媽咪日子, 我地三婆孫勇探新路, 曾經來過.....

就係呢個位, 我地由大欖水塘搵左條路上來, 細媽見個牌可以去清快塘, 佢又唔太熟去圓墩, 所以我地反方向去了清快塘.....



見C6113, 我地轉返出去大欖清快塘段車路....


已經係 14:38pm, 媽咪計晒時間, 4 點前一定要返到深井, 咁 5 點多就趕到返到屋企附近商場.... 



咦, 有微細雨粉飄飄....



到生態園又見有美麗桃花開....



單瓣桃花招姻緣, 大家想求姻緣的話, 記得係在單瓣桃花下順時針團一圈, 唔好轉錯雙瓣桃花


好近深井喇.....



出了閘, 我地轉去深井方向....



嘩, 有人數住共 225級石級上來....



細媽 : 落石級, 兩百幾級, 好易咋.....



15:46pm 已經完成今日行程, 今日除了在C6112大休一陣外, 絕大部份時間係步行中, 即行了成差不多 7 小時....
何解今日左穿右轉氹氹轉, 唔早D返屋企呢
因為佢地主要目的有兩個 :
一) 係去荃灣買辣味乾拉麵來過年..
二) 係預 5 點左右, 趕返屋企商場去食農曆年前最後一次米線, 事關新年會休市成星期, 佢地食上癮, 要止下癮先喎










2 則留言:

  1. Wow 行了成差不多 7 小時,即係叫我Le 一世都唔可以約你行山!
    [版主回覆02/15/2013 13:19:50]Karen, 如果我約你, 一定搵合適路, 唔會亂來ge
    春星, 你話 "下次呢d" , 即係約兜兜轉嗎
    [DR. B回覆02/05/2013 13:05:46]大姐你地一家對我同dr真係太好呀, 知我行唔到咁金, 約左我地去秘密花園玩, 哈哈, 下次呢d要約埋Karen一齊去玩先得呀.

    回覆刪除
  2. 7個鐘,婆婆會唔會好攰呢
    [版主回覆02/15/2013 13:13:53]呢D路好簡單, 婆婆絕對應付到, 有時佢厭太早走, 要行多陣GA

    回覆刪除