130213青衣三支香

仲諗住今日齊人一齊行山, 點知大舅父一家以為返大陸玩三日, 變了三日大陸行山團, 三個回家變了妲己
惟有又係得兩家人行山
大姨媽話今日去青衣, 好 HEA, 我地都無預食物, 水都帶少了, 11 點先在大姨媽家樓下集合 

我地以為係行青衣自然教育徑, 原來大姨媽帶我地行新路....
沿青康路行, 在美景花園旁的一條小徑入...

大表姐見到我好興奮...

小徑直去, 上山另有一條路, 但有可能遇上流浪狗, 所以我地靠右邊梯級開始上山.... 

婆婆 : 嘩, 一開波就幸福天梯, 都見唔到頂.....


原來大姨媽帶我地行"三支香" 又叫"青衣山", 我地會先上"細山", 呢段叫細山徑...
(註 : 回家睇資料, 是座落青衣南部的一座山峰, 有北峰, 中峰同南峰, 以南峰海拔 334米最高, 在遠方對岸望三個峰似三支香, 因而得名....)


在途中有個晨運地....


望下去是美景花園同香港專業教育學院....

晨運勝地都種了桃花, 仲係複瓣o架....


今日天氣好到不得了, 全家都熱傻....

遙望大帽山.....


北峰係青衣原居民山地, 只給島上原居民安葬, 我地唔驚, 仲沿途同佢地說恭賀新禧, 新年快樂添...


到細山徑涼亭, 休息一陴, 又繼續行程...


開始覺得, 今日行程對我地講, 唔係 HEA, 不停梯級上, 猛烈陽光下, 巧攰.... 

原本先上北峰, 但梯級右邊另有山路, 大姨媽話回程先再上北峰....

越來越覺唔對勁, 大姨媽一路話叫我地跟實大姨丈同兩個表姐, 佢殿後睇實婆婆, 話婆婆行得幾多得幾多, 反正見我地行完回頭, 就一齊落山.... 

雖然成條山路已鋪成梯級.....


但大細媽仲係覺唔對路, 行極都未完.....

鬼叫佢地根本唔知今日行程去邊咩.....

大姨丈話就快到第一個峰, 雖然兩位表姐行先, 我仍然在有遮陰位等埋大細媽....
青衣係飛機必經路, 中峰設有導航證提示, 民航處稱呢度為「六號山」。


到第二峰"中峰", 我行上高位, 但太熱了....

都係企低一點先照相.....


歇一歇又繼續....

仲未見婆婆趕到, 佢應該距離我地好遠了....

急落了一段梯級, 又向第三峰進發, 望不盡的梯級, 三個山峰之間, 都無乜平緩路, 坡幅仲好大好企....


據知, 以前係泥路, 無梯級o架, 旁邊的鋼纜係幫助攀登上山, 後期先鋪上石屎梯級咋....

再高一點, 看到對面的葵涌及青衣貨櫃碼頭, ....

到第三峰, 也是三支香最高的"南峰", 同樣有導航燈警告飛機不要飛得太近, 民航處叫這處為「五號山」。


最高位, 當然有三角測量站....
大姨丈一早到達, 悠閒地等著我地...

大姨媽都趕上來, 原來婆婆行到"中峰"就停下, 佢留在該處等我地回頭, 大姨媽話帶我地出去一個好正位置觀景.....


經過一段矮密叢, 原來真係別有洞天.....

嘩, 真係好靚, 不枉辛苦攀登三個峰上來....


如果無煙霞就好了....

行山, 有上必有落, 又係原路回頭....

匯合返婆婆, 我地行去第一峰....

北峰有個涼亭, 又上又落咁多梯級, 都係要休息一陣, 因為仲有一段路落山....


本來大姨媽想行埋對面的青衣自然徑同回歸徑, 我地耗盡了食水, 又唔係佢地一家跑山高手, 僅唔睬佢地, 我地返回細山福地, 有個分岔位落回青衣西路....

沿路同樣遍佈仙人位....

好多仍是新山地, 一望無際, 風水好好....


雖然陽光燦眼, 大家都開心影合照, 百無禁忌 ....

就快返回車路了.....

怪不得條路都算新, 原來 2010年秋先竣工....


噢, 到車路, 我等埋細媽, 因為車路危險, 我要上返私家車....

二表姐先行坐車回家做功課, 我地沿青衣西路行...


經過青衣四村....

在青怡花園食個下午茶醫肚, 就準備行青衣北橋經荃灣墳場訪的永順街, 行返大姨媽家.....


大姨媽問我地行唔行奪寶奇兵路, 究竟係乜呀

咪係一條天橋, 有乜出奇....


o下, 原來係行橋底.....

但橋面有好多隙縫, 剛好同我腳仔闊度....


原來玩探險係講我, 一步一驚心, 我好多次叉錯腳

終於行完鬼域, 出返光明路....
但到大姨媽又驚我一係走出車路, 一係八卦跳落海.....


我僅係跟實腳行啦....

又要經過福地好....

大表姐 : 唔驚, 我揹你行....

會唔會跌我落地o架....


無諗過今日上落咁多梯級, 無心理準備, 加上猛烈陽光, 又少食水, 我地一家四口行到傻, 媽咪腳板底同雙膝仲好痛添....
下次一定要問清楚大姨媽, 以免又失策