2013年2月11日

130211今年大年初二

明明係大年初二, 我瞓醒起身就唔見左媽咪, 好掛住佢呀, 唔通佢又獨自去偷歡, 留低我三婆孫

細媽 : 你媽咪今日要返公司當新年更, 佢下午收工就見佢, 你乖乖, 一陣陪細媽媽去街市買餸




我唔止陪佢去買餸, 仲見佢開焗爐, 又搞乜野呢


原來佢襯有空檔, 整定煎堆仔...



好香呀....



細媽 : 你咁乖, 就獎你食一個啦



等左咁耐, 終於等到回報了....





時間差不多, 要出去匯合媽咪....



假日又咁好天氣, 唔出去走動好浪費o架...










咦, 行去鑽石山, 唔係行山咩


原來媽咪約我地在地鐵口見....



我見到媽咪, 成個開心晒, 媽咪話叫我乖乖休息午睡, 一陣再行過....


原來婆婆想睇戲, 預早一日都係買到單丁位咋, 佢地又唔想浪費其他日子, 我當然配合


各自坐, 各自睇....


媽咪在整場戲都聽到婆婆大笑, 佢一定睇得好開心....



好彩都係個半鐘, 我瞓到差不多時間, 快完場時就醒了, 時間好配合...


完場又係我鬆骨散步時....






早幾日仲天灰暗, 今日幾好天....



太陽將霧氣照散了.....



明天一定陽光普照,  我又約左朋友仔行山, 正呀...


我地行遠少少, 兜個圈, 行下運, 早點回家, 細媽又要開始勞動呀....




1 則留言:

  1. 洛洛,去接媽咪,係咪好開心呢
    [版主回覆02/20/2013 13:22:30]媽咪 : 係我去匯合佢地

    回覆刪除