130210年初一行大運

今日係大年初一, 先向大家說聲 : 恭賀新禧, 萬事如意



媽咪打算今日行下簡單一點, 選擇上太平山頂行大運, 諗住行足港島徑第一段, 轉薄扶林水塘, 坐車去旺角....

細媽俾足時間媽咪休息, 我地在山頂起步時都 11:00am了...


只係行第一段都係得 7 公里, 駁返薄扶林道落水塘都係多 1 公里, 唔辛苦....


起步了.....

暫時都唔係太多遊人, 我唔需要左閃右避....

間中都遇上朋友仔, 大家都有打下招呼, 講句賀年說話....


細媽突然話不如去埋香港仔水塘....

但咁行咪要行晒一二三段加埋香港仔水塘顏色徑o羅, 巧長程呀, 我地都無預備午餐...


媽咪話去香港仔都可以o既, 但就去唔香港仔水塘....

離開盧吉道, 轉去夏力道....

到龍虎山觀景台...

要行石級落山了....

婆婆怕行樓梯, 但唔行都唔得, 呢度無車來....

西高山.....

一大段石級落到H007, 又平坦小徑, 舒服晒....

過H009無耐見到配水庫....


到呢個位, 正常係向前繼續港島徑第一段往第二段, 因為我地無預備午餐, 媽咪睇過地圖, 決定在此腰斬第一段, 即係唔行晒, 轉落薄扶林水塘....


個牌標明得好清楚, 兩個行山人即是港島徑, 我地轉落水塘的家樂徑

我地咪即係偷雞行捷徑o羅

轉去水塘道有好處, 就係可以去廁所

沿水塘道家樂徑轉返上去第二段起點, 可以行少了1.5公里多, 當然又可以上返山頂走

天灰灰, 無雨已經唔錯....

水塘邊的樹叢好密, 我都唔可以影將水塘相....

山上有水淙淙流下, 如果雨季來, 一定好澎湃...

慢慢上返斜....

水塘道旁有一條河流, 剛才見的流水淙淙, 就係由此流入水塘....

到呢度就係第一段同第二段交接位.....

完成第一 PART行程圖.....


行第二段都係 4.5公里, 當然未包行埋去香港仔中心的 1.5 公里....

港島徑係唔難行, 起步點必定有地圖....


第二段都幾好行o架....


雖然有分岔位, 只要認定孖人公仔就得....

婆婆 : 又話易行, 又係幸福天梯.....

婆婆, 行山身體好, 大年初一行大運, 身體更加健康又幸福, 加油啦.....

我認得呢度, 醒起08年10月7日, 我地都行過第二段, 但起步點就唔同, 係直接由山頂沿薄扶林水塘道接上第二段....


細媽話當時我仲細, 仲係有點女仔般嬌俏, 現在就係個佬喎.....

唔好 Hea, 兩點了...

每行一段, 大細媽又勾起四年多前, 我的樣貌, 每一段一齊行過的路....


當然仲有婆婆仍舊陪著我地行山遠足.....

細媽, 醒起呢段路嗎.....

石級落來, 就有另一般景象....

因為之前一段總係望住薄扶林同置富一帶, 現在見到香港仔及鴨脷洲....

到H023

呢到有個牌話前後艱辛難行, 要有豐富行山經驗者先考慮前往.....


係梯級高D o者.....

我兩三下就行完....

接著係沿引水道行....

見到呢到, 我地認得快行完.....


到第二段同第三段交接位, 第三段係上去灣仔峽, 因為交通唔方便, 我地都未行過第三同第四段, 媽咪話諗下行程先喎...

指示往香港仔仲有 1.25 公里出返香港仔水塘道, 途經福地o架, 有人怕新年流流, 唔好經過福地, 但我地係百無禁忌....


通常福地有可能有狗, 細媽叫我唔好行太遠....

見到學校, 即是快到旺區....

未到 4 點到貝璐道口就車來車往, 細媽抱返我, 行埋餘下路去香港仔中心, 果度有紅色小巴返旺角, 旺角大把野食, 可以食午餐啦
佢地好肚餓, 要快快醫肚, 新年第一日係要食飽飽先得o架

第二段行程.