130223南北大刀刃下林村

剛好 4 年了, 2009-03-14, 我地第一次勇攻大刀刃, 當年可能初初行山無耐, 我地由北大刀刃經蝴蝶徑回粉嶺, 行到屎屎下, 婆婆仲同人投訴媽咪帶佢行咁多大石級路
媽咪一直想再重踏大刀刃, 早前行晒香港最高三高, 細媽都有意再挑戰下
媽咪見膶腸叔叔介紹, 原來有路落去林村, 我地全家都未去過, 一於襯潮濕前又來一次
8:38 AM 起步就在嘉道理農場對面......



因早前大樹塌下, 行山徑入口的介紹牌同地圖被撞壞, 今日倒樹已經移走, 新的介紹牌亦豎立好....

上大刀刃落 10 公里, 官方預 4 小時, 我地上次都行 6.5 小時, 又影相, 又欣賞, 又等婆婆, 今次時間應該差不多....

頭段樹蔭下, 今早天陰了少少, OK 呀....

慢慢由零海拔上 566 米, 我地唔會急....

婆婆仲有氣有力.....

開始開揚, 雲霧散去, 太陽漸漸出來....

一路行, 一路回頭望石崗同錦田, 我矮小, 要抱高先可以影山下景色....

遠遠平平地的山頂就係出名的金銀橋....


當年我地以為真係好危險o架

當年上到呢個位, 婆婆已經叫救命....

未到金銀橋, 要落好大段又大又高石級返山坳位, 先再上, 今日石級仍是高呎高, 婆婆已經覺得好似唔太難, 幾年間, 訓練有素呀 

欠幾步咋, 婆婆, 加油

準備過橋.....

原來呢度係行山熱點, 好多行山人迎頭趕上我地, 我地又唔急....


讓完路又急急影相 lor...

呢個位, 其實唔高o架....

我剛才企o係後邊舊石咋....

左右懸崖, 今次再來, 左右樹叢都生高了...

呵呵, 我自己揀呢個位, 叫媽咪影相, 旁邊直企, 佢都驚我跳落山....

企完左邊, 媽咪又抱我企右邊影....

要落山腰, 再攻上南大刀刃...

遠方的山頂位就係今日最高點, 但金銀橋落去的一段, 比較陡斜, 我地要慢慢落

見膶腸叔叔話漁護署將最高位大刀刃 (566 米)個標誌改了新成"北大刀刃", 今日見已經糾正返

咁鬼大風o架....

又要小心斜坡落....

好彩半途有返木板級, 婆婆仍在後方....

又入樹蔭位, 唔駛陽光曬....

厚雲走了, 春季來行山, 所有植物長出嫩芽, 陽光下, 又紅又橙又綠, 不同色調...

真係要親眼來感受大自然, 急步而過, 就會錯過....

有位熱心行山哥哥, 主動同我地影相, 可以有全家福

去北大刀刃仲有一大段路...

遙遙遠方, 仲未見北大刀刃....

就快到....

到真正的北中大刀刃 (480 米) 了....


由此路開始, 後段唔會辛苦了...

因為好快會在樹蔭穿梭, 唔駛曬....

見分岔路, 我地因今日揀去林村, 一定向和合石方向....

婆婆以為係要去墳場, 其實我地係要去觀景台, 上次得我同媽咪行去影相咋....

今次僅係要全家行來...


因為要經此落林村....

婆婆 : 我以為又要去福地咋

到分岔位, 有好明確指引...

又林中穿梭....

原來好快去到一條行山徑終點, 叫牛牯嶺行山徑, 是昔日軍用公路, 到起點都係 2.6 公里, 唔長程....

石屎路來, 但條路都有點點爛...

究竟呢D石碑刻上數字, 當年軍人用來代表乜呢

沿途都係打風後, 摧毀段的模樣, 有大塌下, 有大樹吹斷...

每 200 米, 有路牌標明, 知仲有幾長路行....

周圍塌下來的大石同東倒西歪的樹, 媽咪都驚, 行行下, 會有樹板掉下, 整到我同婆婆....

沿路好多松樹, 我一見就興奮去鑽, 大細媽一見就發癲

大細媽搞左我好耐, 仲有好多枯松草, 無計呀

呢個叫許願亭, 相信好多善信唔會上來祈福

到行山徑起點, 細媽見遠遠有兩隻大村狗, 所以抱我行出去林村....

其實出林村都係幾分鐘路程, 因為今日係林村許願節最後一日, 所以專發行呢度睇下....

人山人海, 好嘈呀....

原來許願樹廣場係唔俾狗地入, 我惟有在外影張到此一遊....


媽咪就帶婆婆入去睇下....


真假許願樹....

林村牌坊外的許願樹, 希望快快痊癒....

好返都希望D人好好保護, 唔好再拋寶牒喇....

快完, Hea 完 , 15:43pm了, 攰了, 都係時間返家了