130202用到盡

當輪到星期六係媽咪值班, 又遇上細媽一早請左假, 咁細媽一定唔伯會浪費光陰
佢話要乜都用盡晒佢

朝早好似返工咁早起身, 梳洗食早餐後, 就準備晒工具同材料.......開工 
當媽咪放工返來, 佢就見好多成果
有芝麻卷做午餐


卷了芝麻醬來焗, 軟軟熟熟, 據報巧巧味

臨近舊曆新年, 細媽預早一日買左鮮搾蔗汁, 蒸左馬蹄糕, 佢話雖然年年都整, 但都要試整下先, 咁下一次整就唔怕失手喎.... 

呢個馬蹄糕仔有粒星星馬蹄, 又幾特別

足晒馬蹄粒, 無偷工減料o架....


另一大底就分一半, 準備下星期一拎返公司俾同事試食

外邊就天氣晴朗, 我可以做的就係睇住細媽在廳同廚房出出入入, 同在等


或者諗下明天去邊處玩.....

好似又有過節食品出爐, 麵包同馬蹄糕就無我份, 今次會唔會又落空呢.....

我見喇

係角仔同煎堆仔, 即係我食啦
細媽話今年佢同媽咪都太忙, 無時間大量製造同送貨, 只能整多點送俾鄰居嘆嘆兩兄妹 


細媽 : 洛B, 聞下o丫....

又真係好香呀.....

巧味道.....

一試就無左三粒

細媽話太耐無開焗爐, 一開一定要用到盡, 佢地今晚晚餐係焗鮮茄肉醬千層麵, 咁我果份一定無走雞啦
真好久無食就蛋批呀, 兩款撻皮, 一款係原蛋味, 一款係南瓜咪

我唔駛試食, 因為係我o架....

但成個咁大, 點食呀, 細媽唔好偷懶, 快碎上


今日細媽用盡了時間同個焗爐, 唔知何時何日, 個焗爐又俾細媽用到盡呢