080609漫步柏架山道自然徑及大潭四水塘 (Part 1)

端陽補假, 一早天氣晴朗, 我地又去冬菇亭食早餐後, 出發去另一條石屎路遠足

今日行程: 柏架山道自然徑 (又稱東區自然步道) > 大風坳 > 大潭上水塘 > 大潭中水塘 > 大潭篤水塘 > 大潭道 

先由鯽魚涌沿柏架山道上斜, 即係柏架山道自然徑起點.

自然徑終點在陽明山莊, 但我地會在上水塘大霸轉方向ga.

雖然行車路, 但只有政府車輛先可以入來, 所以好安全.

緩緩而上, 會見由紅磚砌成的古雅大宅俗稱紅屋, 建於二十世紀初, 本來是太古糖廠經理及總工程師的住所, 後來糖廠結束, 經附近居民爭取成為法定古蹟後, 政府於是1976年收回建築物, 現由漁農自然護理署管理, 作為自然教育之用。

又有第十九任港督金文泰命名的金督馳馬徑, 沿途好多入口ga.

想唔到咁熱, 我要浸下冰涼溪水降溫先

中途都設有好多涼亭, 又設好多石櫈ga. 仲有不同支徑往北角, 寶馬山, 康怡花園等地區.

越高位, 市區更盡入眼簾ar.

仲有呀, 設有好多燒烤場, 但就一定要拎車仔推上來lor.

柏架山道沿途中.

唔得太熱了, 我要再沖過涼爽溪水先

晴朗天, 心情特別輕鬆ar.

繼續登山, 終抵達涼風送爽的大風坳. 因為呢度地埋關係, 經常都好大風, 因而得名.

在此, 大潭郊野公園的湖光山色盡收眼底.

在大風坳轉入港島徑第六段, 因大部份路段為限制車路, 而後段則為林蔭山徑, 輕鬆易走, 好適合一家大小前往。沿港島林道柏架山道走, 因為兩旁種滿高大的楠樹等樹木, 如同互相覆蓋成一把大傘子般, 沿路為遊人遮擋陽光, 仿如一條天然的「冷氣走廊」。

曾經倒下折斷的大樹, 生命力頑強, 分椏向上生外, 仲可以往下生長入成根添.

Click and go to part 2  http://faphylok.blogspot.hk/2008/06/080609-part-2.html