2016年3月20日

160320雨紛紛下的漫遊

昨日濕濕半天行, 媽咪晚上腰骨痛, 唔通係風濕, 昨晚無去濕 ?


好彩今早唔似昨日咁, 周圍出晒水滴, 相信今日行城河, 唔會又濕半身卦 ?

來到小瀝源, 有點風吹, 地面都乾爽晒.

今日溫度比昨日低左 4-6 度, 真係涼左, 我唔敢張口.

雖然地面似乾, 但一路都有雨粉飛飛.

木棉樹都開始開花, 好多地方, 媽咪都想去.

但天氣唔穩定, 唔可以隨便帶我同婆婆去冒險.

大細媽小心, 但我唔怕喎, 自己走去九曲路, 識落識上.

細媽: 你好似落左去,唔識返轉頭, 我叫你咋.

俾細媽篤爆添.

雖然我唔可以做狗醫生, 但呢對大眼, 都帶來好多人歡樂, 引得一些公公婆婆開心笑, 夠晒.

其實我真眼晴仲有表情, 只係未瞓醒, 加上有紫外線影響下, 失免左D.

今日怕雨會漸密, 無行去划艇會, 但食飯時間又未到, 都係行遠點, 過返對岸.

暖左D, 又熱身左.

人都精神返.

細媽話唔好太遲去飯堂, 怕霸唔到專位, 點知專位有位叔叔坐左, 好彩仲有另一邊.

食飯途中, 雨粉變雨點, 又陽光, 又細雨, 雖然唔係大雨, 又間中停下, 都係著返雨褸先.

媽咪, 遮晒半邊面, 我點睇路喎.

終於睇清前路, 可以任我行.

地面唔係好濕.

但都唔可以停.

唔係卦, 又出陽光.

有陽光, 又有風, 但又厚雲, 有霧, 下星期仲會狂風雷雨.

雖然天氣不定, 我比好多朋友仔好好多, 起碼細雨都有街出.

清明時節雨紛紛, 細媽話不如早些去探公公.

有心唔駛正日.

來到, 不需花, 無冥鏹, 帶著心, 和公公 Say Hello.

沒有留言:

張貼留言