160319霧中櫻在大帽山

上星期天氣唔穩定, 唔敢來大帽山, 但見Dee Dee 上星期六又來, 仲見有緋寒櫻盛開, 明知今日大帽山一定超濕, 襯仍在花期尾, 都來睇下.

今日除左我一家.


仲有大姨媽, 大表姐同我個表姨甥 - 小小. 大姨媽話帶佢來睇多些大自然.

雖然好多棵櫻花樹都落花張葉, 仍有幾棵好茂盛.

小小, 唔好周圍走, 跟實我.

由扶輛公園過馬路來, 第一次經過呢個燒烤場.

今日未正式起步, 我半身都濕了.

火炭母.

所以主力行石屎路.

步入仙境.

蜘蛛網沾滿水珠, 蜘蛛不見了.

媽咪望地下, 見到有堆橙色在枯葉上.

原來係菇菌, 真係仲細過四分一粒芝麻.

韓信草.

直升機場附近的幾十棵緋寒櫻, 連葉都無, 究竟係咪枯掉了 ?

全身濕, 轄出去.

你見到我嗎 ?

到桃花園, 只係兩星期, 所有桃花不見了.

婆婆有發現.

繼續霧中行.

咁深地洞, 唔知會唔會有怪獸跳出來.

都係走為上著.

遠離高海拔, 霧散了.

朋友仔 1 號

朋友仔 2 號

菇菇險些大過小小.

我同小小玩障礙比賽.

佢偷步, 我輸左了.

小小, 你茅躉.

媽咪, 地面乾爽左好多呀.

開始有些陽光.

但濕度100%, 點都唔會乾身.

今日預左行半日.

但都夠啦.

喜香農莊外的楓香, 綠葉越長越多.

1 點多喇, 時間剛好.

快快落返深井村, 醫肚餓.

上次行山, 見好多春花, 而車輪梅接住來, 行山時, 記得細欣賞.