因婆婆要求, 上星期日, 已經定實今日行程, 就係想睇下, 大帽山荃錦坳的櫻花開未.
管理站大閘旁幾棵桃花好靚, 但櫻花就得幾朵, 應未係時候.
因為曾預報有一兩陣微雨, 我地起初都以為今早, 呢度會好潮濕, 點知鬼咁乾爽.
直昇機坪, 都種左好多棵山櫻花, 但花苞都無一粒, 幾位晨運公公婆婆認得我, 又話又見我喇, 叫我地去前邊, 有好多桃花開了.
今日天氣清涼, 又唔曬, 特別適合行山.
加上春天, 樹木長出嫩芽.
一片淡黃翠綠.
我地要好好珍惜入夏前的清涼乾爽行山日子.
突然眼前一片紅.
早前種下的一大片桃樹.
鮮豔的重瓣紅桃花, 好燦爛.
同獅子會見到的都一樣咁正.
婆婆開心到不得了.
僅係啦, 今星期見兩次呀.
桃花園留左好耐, 要繼續行程.
四周又紅又黃又綠, 如果剛好有藍天, 更美.
如果一直沿麥理浩徑行, 太多越野單車來回, 媽咪話轉入蓮花山段, 少單車, 我同婆婆唔駛成日避單車, 安全多.
呢度, 行山人都少選擇行.
但唔係唔安全o架.
係戰前山洞多左D, 我唔八卦望, 就無問題.
到車路盡頭, 可以入山徑.
就係行山徑會比行車路舒服多.
又在樹蔭底.
我見到川龍村同大帽山, 好似相距好遠咁.
見呢度, 就知快到蓮花山村校.
昔日的石梯.
其實咁高, 小朋友爬上去都幾危險.
日久失修, 唔可以滑落來了.
舊校舍屋頂, 倒塌了, 唔好行近.
春花無處不在. - 浙江潤楠
我地接返入元荃古道往清快塘.
車輪梅仍未係最高峰開花期.
我地棄砌石級, 行泥徑落.
接返車路, 媽咪猶豫左一輪, 睇完地圖, 都係入返山徑.
無單車, 無大車, 安全些.
而且, 仲可以望下呢個水池.
但雨多水時, 都幾難行過.
又出返車路, 記得向前行.
到田夫仔露營地, 媽咪話行入去, 可以去清快塘, 婆婆話, 明明路標寫係往荃灣柴灣角, 點解行返轉頭, 而且佢記得要行好大段上山石級, 有排先到清快塘. 媽咪開始有痴呆症, 連婆婆都記得, 最後再睇清楚地圖, 婆婆無錯呀, 如果我地唔係在之前山徑行來, 按官方元荃古道行, 應係由呢度出返來. 要向前往大欖水塘方向.
就係呢個位, 轉入, 可以去清快塘, 亦係元荃古道一段.
好多吊鐘花.
出返來車路, 準備轉落清快塘, 但細媽怕我攰, 堅持要抱我.
最後, 我都堅持返自己行.
雖然在荃錦坳, 見唔到山櫻花, 但清快塘喜香農莊幾棵都開呀.
上次, 一片濃霧, 睇唔到遠, 今日唔係藍天, 但都算明朗.
落山喇.
細媽, 我在石櫈等你呀.
細媽 : 我咁似在動物園, 隔坐圍欄餵動物o既 ?
以為過晒吊鐘花開花期,想唔到, 比上次更多, 成山開滿.
快到深井村, 我地決定直接返屋企冬菇亭食飯, 食完即回家.
沒有留言:
張貼留言