160313河畔洛

又凍又濕天氣, 無雨下, 一連兩日都去城門河畔, 都唔算呀.

今早有長跑比賽, 由7:30am由小瀝源村起步, 去錦泰苑, 原路回程, 終點在小瀝源遊樂場.

我地起步, 就遇正佢地返終點.

好多人在行人路逆向跑來, 點好 ?

細媽怕我要同跑手互避, 我好易俾跑手踢倒, 迫住要行單車路.

其實, 我地在單車路, 都要避單車呀, 所以, 我堅持自己上返行人路, 靠邊行, 大細媽讚我叻仔.

出返城門河畔, 遠離佢地賽道, 安全晒.

可以輕鬆周圍八.

天色雖然多雲多霧, 但划艇無影響.

我的另一堅持 - 就係行到划艇會外打咭.

當然順便祭下五臟廟.

天氣持續咁潮濕, 下周唔知點安排周六及日假期.

諗咁多都無用.

天有不測之風雲, 希望在下周.

一於以往.

大踏步往目的地邁進.

食堂在前.

又坐到專位.

大細媽手腳慢, 次次都要我呆等.

今日比昨日更潮濕, 好彩無昨日咁凍.

地面又無濕, 都好乾爽, 係有輕微雨粉粉.

到打咭位, 雖然地點相同.

但每次天氣/帽/裝束不一樣.

但仲有一樣係相同的, 就係我心中喜悅.

近日無上高山, 但除左天氣惡劣, 我都可以出外逛逛, 好幸福呀.

年紀大了, 連出兩日, 第二日都比較易攰, 等婆婆, 又等到要入私家車休息下.

大細媽話, 唔可以俾婆婆偷懶, 唔郁會快老.

天氣唔好, 行唔到山, 咪行平路o羅, 所以, 好多人都覺我同婆婆望落, 比實際年紀年輕呀.