140629Hea Hea 在獅子會

昨晚大細媽問我想行超早晨運定係去掘泥, 咁上星期日落雨, 搞到我無得玩至愛, 我當然係擇去獅子會啦.

8 點就到來, 我一上草地就盡情掘, 婆婆都叫我掘多D, 我僅係唔執輸.

掘完泥, 即係運動完, 成個舒暢晒.

今年獅子會內的荔枝樹有收成, 雖然唔會摘下來食, 但見有成果, 我地睇得好開心.

仲有葡萄呀.

又預告今日有雲, 仲有驟雨, 我地早些來, 都係充滿陽光.

行到呢條水坑, 我又快步走入水坑, 激屎大細媽

在田中, 見有白花開, 原來係沙薑花.

行去荷花池先.

婆婆去聰鳴茶座個廁所, 我又跟埋去, 我見男廁門外有水氹, 咪一野瞓係度等婆婆o羅, 點知俾大細媽罵我........原來係員工洗廁所中, 仲有清潔及消毒劑呀, 激到佢地紮紮跳, 立即帶我去另一個女廁沖身.
我又點知喎
見有水氹咪坐低o羅, 識鬼咪

沖完身, 被大細媽嚴密監控.
 

見有灑水淋花, 都唔敢俾我行近.

行完一輪, 我地行去涼亭納涼, 細媽抬頭一望, 見有條大蟲落網. 媽咪用相機拉近望, 原來係兩隻蟲在交配, 但唔明點解雙雙墮入蜘蛛網內, 蜘蛛正準備享用大餐呀.

行左 1 個鐘又45分鐘喇, 我都想休息下, 大細媽又神經質起來, 怕我真係牛蜱熱而攰, 我估唔係卦.

呢個季節係熱, 但獅子會又特別多花開.

仲果實結滿樹呀.

我地行左一陣, 又走返去楓樹下的涼亭, 全家又齊齊休息, 仲坐左大半個鐘.

媽咪處處都瞓得著, 我都有瞓, hea得超爽.

但係無可能來獅子會幾個鐘, 就瞓足幾個鐘o架.

怕熱, 行樹蔭底啦.

11 點半, 夠時間, 可以行去市中心食午飯.

到市中心, 媽咪問去室外茶餐廳定有冷氣舒服地方.

婆婆搶答話去有冷氣舒服地方

我地去安東尼, 因為老闆也是愛狗之人, 細媽都愛我, 所以我一安頓坐下, 送個愛的印記俾細媽

我飲完水, 食埋雞, 加埋細媽打扇加快我身體降溫, 在舒適溫度下, 慢慢進入夢鄉.

咦, 又有狗地上來開餐, 媽咪同佢地爸媽傾開, 原來在網上識呀, 佢叫梁歡, 仲係莎莎大聯盟成員呀.

我地第一次見, 有點怕羞, 唔敢坐太近, 希望遲些又再遇.

大細媽睇雜誌, 知道西貢市中心有一間店, 有自家手制全天然無添加水果雪條, 佢地話係飯後甜品, 婆婆已經急不及待食緊喇, 真係好好味喎, 佢地又話下次要試無奶雪糕.
雪糕, 我鍾意呀