140625續牌無期 ?

今日下午, 細媽無端端放假返來, 仲立刻同我坐車出去, 又唔係我生日, 去邊呢?  

原來, 我個身分牌已經在21/6到期, 媽咪忙, 今年由細媽同我來診所打瘋狗針及續期, 順便叫陳醫生幫我驗下血同周身摸.



到埗例牌磅重, 同上年10月8 日係 5.8 KGS, 即無乜變, 但大細媽成日投訴我重左, 明明佢地摸到我有胸肋骨同背脊椎骨


醫生姐姐摸我肚仔, 唔覺有乜野, 只係有少少牙石, 無白內障, 眼晶體有少少濁, 因我都成 9 歲幾, 正常自然老化, 至於打針, 因預左驗血, 出左驗血報告先再打針.

點知報告一出, 天呀
血小板偏低, 醫生姐姐怕我的牛蜱病毒翻發, 如果強行打瘋狗針, 對我生命有好大威脅.
謹慎起身, 都係再驗埋 PCR testing for Babesia & Ehrlichia sp, 我又無任何不適徵狀, 暫時唔駛食藥, 出報告再決定.

仲有, 我血濃度高, 腎指數差左D, 醫生話按我體重, 要我一日起碼飲 250 ml, 我都唔嗜飲水, 激屎大細媽, 佢地話要諗計仔

今日打唔到瘋狗針, 咪唔可以續牌, 我咪變無証狗地

希望驗血報告出左係好啦, 咁我唔駛食藥, 等多一個月再驗血, 希望血子板回升啦