140608陰中晴在獅子會

驟晴驟雨, 都唔知點打算, 都係起身先諗.

起身時, 細媽見天氣唔差, 知我愛挖泥, 話去獅子會俾我挖夠.

8 點幾到, 都唔太多遊客, 街坊狗就多些.

昨晚仲話今早有雨, 似乎無喎.

仲未烈心當空, 跑多陣都唔會熱傻.

好多人鍾意去彭福, 我地就麻麻, 因為太空曠, 唔多樹蔭, 比較曬.

呢度接近大自然, 又方便, 合晒懶媽咪陪我玩完去西貢搵食.

無馬路, 無柏油路, 唔怕灼傷腳板底.

荷包蛋池無乜荷花, 蜻蜓就多點.

快六月中, 荷花三數朵.

轉場去另一個位.

水浮蓮開了.

全園見一棵咋.

菠蘿反而仲多.

我地在涼亭休息時, 農田灑水, 媽咪八卦去睇下, 真係見到彩虹.

仲影左幾張相.

本來佢想叫細媽抱我一齊影, 點知埋來時, 灑水機又關了.

因為 pat pat 長毛毛, 媽咪除左幫我梳起左右兩束毛辮, 仲連尾巴一束都玩野, 搞到似條毛毛蟲.

來獅子會明智, 如果又行城門河, 現在會好熱.

行左幾轉, 都係返涼亭瞓陣先.

瞓左十幾分鐘, 精神晒.

仲早喎, 媽咪話行多幾圈.

唔得呀, 睡魔急 call, 由袋瞓先安樂.

唔好嘈我.

唔通已經係阿伯, 要瞓多D?

但休息下又真係回魂, 有心情行喎.

Hea 夠未呀 ? 十二點喇.

你地唔走, 我自己走.

我知你地都肚餓, 一定跟實我.

行去西貢市, 最快係沿車路行, 我都係上返私家車, 叫司機車我去市中心喇.