140622快閃行

昨晚講定左, 今早再早起身行晨運, 點知整晚雷雨不停, 當然不成行, 昨晚雷聲令我驚到震, 我晨早過媽咪房, 媽咪攬住我, 等我安心瞓返陣覺.

午飯後, 雨仍是綿綿落下, 細媽惟有陪我再瞓.

快兩點半, 媽咪突然拍門, 話雨停, 天光亮了, 於是我地逝速行動, 快閃入小瀝源.

婆婆唔想郁, 留家負責洗菜, 等我地返家時, 由細媽煮麵條當晚餐.

厚雲呀, 同昨日唔同.

我都唔駛學其他人咁, 不斷去發掘新地方.

暢快無拘束, 有親人夠伴, 先係我地狗地所想.

婆婆無來, 我起初都唔知, 起步一路望, 係咪婆婆行得慢, 後來知佢無來, 我先無再搵咋.

今日都遇到好多朋友仔.

但多數打下招呼就走.

打咭相.

每次都係我自己上打咭位, 再自己落返來呀.

真係好開心, 以為無都變了有, 感覺幸福.

媽咪話要沖涼, 我即係可以好隨便周圍嗜啦.

仲可以跳入樹叢鑽添.

細媽話要快閃, 行去大圍就走, 明天又回到正常返工日子, 佢地話唔留太耐, 無問題, 行了兩個鐘多點, 夠晒呢.