2014年6月14日

黃可可

今早在城門河行行下時, 神眼細媽又發現有野在水中, 佢大叫, 有龜呀.
媽咪同婆婆立刻望, 原來有一隻小小龜, 在水中掙扎, 拼命想游上岸.
當時, 媽咪同細媽思想搏鬥, 究竟順應大自然, 定係救佢上來呢 ?
因為一定唔係海龜, 好彩潮漲, 河水淡, 但水退就有機會隨水漂出海, 或者在污水中, 生命都難保.
終於媽咪爬出圍攔, 用細媽把雨傘, 打撈佢上來.
當時, 都有人圍觀, 有個阿伯話係鱷龜, 大左會咬人, 點望都唔似啦.

有幾位嬸嬸話唔好放返落水, 實死硬, 叫大細媽有心養就帶返屋企.
媽咪估計小小龜, 應該係山上小溪, 隨河溪水沖了出來, 如果唔埋佢, 俾其他人發現, 唔知有乜後果, 其實都擔心佢安危, 大細媽決定帶佢回家先算.


回家用清水沖身, 再用龜康寶浸下消毒.

佢真係好BB咋.

尾巴超長.

大過大蚊銀少少.

細媽唔知佢食乜, 於是又俾紅蟲,又俾龜糧, 又俾蝦乾, 佢話希望仲有一樣回食, 事關屋企兩隻大龜同蠑螈都係食呢 D.


佢一定好肚餓, 細媽遞條紅蟲埋佢口邊, 即食, 仲一食幾條.

 連龜糧都食呀, 咁唔怕餓親佢了.

入得黃家, 僅係要幫你起返個名, 媽咪話你在城門河相遇, 用"城城", 又"盛盛"差不多音, 用"門門", 又難聽, 問細媽話用"河河"點呀, 細媽話不如同"可可"啦.

媽咪上網努力搵, 終於知佢係班龜, 又稱長尾龜, 金魚街都可能有得買, 唔係細媽擔心的受保護品種. 

點知你會在城門河出現呢 ?

可可, 你唔駛擔心, 暫時住係個碗先, 下星期, 細媽抽空出去, 幫你添置大屋啦

2 則留言:

  1. 可可好彩遇到您哋一家,佢一定好快細龜變大龜

    回覆刪除
  2. 真係好細隻啊,細媽真係好眼利都睇到佢∩__∩
    好彩佢遇到你地一家啊*^O^*

    回覆刪除