140615一號波下的午間行

昨日海貝思入左香港800公里警戒線, 仲掛起一號波.

今早細媽起身見落雨, 無叫醒媽咪, 等佢瞓多陣.

媽咪瞓醒, 見停左雨, 見天陰, 唔想我無左一日假, 又去沙田行下.

12點半喇, 好彩天陰咋, 如果好似昨日咁, 根本無可能停留在露天下.

媽咪未食早餐, 所以我地專心行, 去到沙角邨, 剛好可以食下午茶餐喎.
呢幾位女子, 次次出來都只係講食.

究竟乜昆蟲呢?

中午時分, 無划艇, 唔通炎夏, 真只會在朝早出動?

媽咪都擔心我熱, 佢邊行邊摸地, 又摸我耳仔同背脊.

地面一D都唔熱, 唔驚有熱氣蒸上來.

行左兩個鐘, 細媽話夠喇, 細路仔有兩個鐘運動都夠.

本來想食完下午茶就回家, 但頭頂咁厚雲, 佢地見唔熱, 又有風, 問我行唔行埋去大圍, 我當然想啦.

下星期六, 又係細媽長週, 即係要星期日先出動, 我要運動多陣, 消耗脂肪, 咁唔駛俾大細媽話我肥仔.

每次都打咭, 媽咪話要記低每次的天色.

嘩, 四點半, 要行快步, 否則司機叔叔趕交更, 又好難截車返屋企.