140621午後城河行

媽咪知細媽長週, 安排左晨早出去照超聲波.

嘩, 今早場黃雨, 都無住下午有運行.

點知細媽收工, 見出太陽, 為免明日有可能又雷雨影響, 佢話今日帶我同婆婆出去運動下先.

我倆婆孫僅係開心啦.

起步時, 細媽一望, 小瀝源河有一大群魚, 當時都睇唔真係乜品種.

幸好傻瓜相機有成 30X光學變無, 拉近一睇, 原來係全身鱗片有病徵的烏頭.
我地成日見有人釣來食
上星期, 陳噹噹就在城河中掙扎游動, 如果再浸耐些, 就算唔死, 全身都會有皮膚病.
昨日, 大表姐見陳噹噹甩了一隻指甲, 指甲仲似有些發炎, 希望噹噹快些痊癒呀.

厚雲呀, 太陽伯伯似想收工.

媽咪 : 洛洛, 你乜事捐入樹叢裡邊.
洛洛 : 媽咪, 你唔見有陽光咩, 我入來遮蔭呀.

仲以為要陰天下漫步, 4 點半, 雲散了, 陽光仲未落山, 係咪出早左來呢

為免中暑, 我要識走位.

陽光移位, 媽咪唔想我曬親, 話要走位, 佢抱起我過翠榕橋, 走到源禾運動場果邊河畔, 陽光被圍牆擋了.

呢邊都好多人跑, 有陣陣風, 舒服晒.

越近黃昏, 越多朋友仔出來.

細媽話仲早, 行去大圍先回頭.

最後都無行咁遠, 我地在文化館前過河, 因旁邊就係大馬路, 我乖乖跟實大細媽, 第一次行獅子山隧道公路過橋往神召會一邊.

又打咭, 真係無一次相同呀.

前兩星期黃昏行, 都遇到呢班街坊, 今日又見喇.

都 6 點 9, 細媽話食埋飯, 返屋企都成 8 點, 唔係時候去飯堂.
明日有無得出街, 又係等起身先算, 我會差不多時間, 拍醒細媽睇天氣