140701七一倒塔 gathering

昨日, 大細媽一早商量, 早早起身去晨運, 免得晏了太熱.

未夠 6 點就落樓, 到樓下即倒塔咁落雨, 都起左身, 仲返屋企咩.

好彩車來, 雨都細了.

甚知落車時, 雨又來, 我地在小瀝源村旁的杏橋等雨停.
等呀等, 天公, 你想點

以為停雨, 細了, 又大過, 細媽頂唔順, 好急喎
話微雨都行去另一度.

原來佢想..........
雨又倒塔呀, 我地有 4 個, 殘廁唔夠大, 惟有全家在廁所 gathering

雨始終會肯停.

我可以行喇.

真爽.

平時, 媽咪唔俾我行水氹.

今日任得我.

佢地話反正濕左, 由得我, 只要我開心.

媽咪, 你望下遠處, 灰色呀.

會唔會行行下又倒塔, 好似西暴警報中呀.

媽咪話落雨先算.

唉, 剛到沙角邨隧道口, 雨又來了, 惟有食早餐先.

媽咪食完一份鮮茄蛋牛豬仔包都唔夠, 最後仲叫多份三文治早餐, 三人分, 真係大食, 怪不得佢越來越肥

佢地食左成大半個鐘, 雨都停埋, 又無乜太陽, 僅係再行啦.

都十點幾, 如果好天日子, 太陽高掛, 我唔可能行得咁暢快.

細媽: 黃家洛, 你又爬出圍欄外, 唔小心, 跌落河點算

噢, 太陽呀, 捐入樹底遮下先.

細路, 唔好跟我喇, 我地都唔同路呢.

媽咪 : 你孜捐坑渠

媽咪, 唔好嬲.

俾個靚仔樣, 你實唔識嬲我.

都 11 點, 出左來成 5 個鐘, 差唔多夠, 行埋去大圍, 就坐車返家, 齊齊又來午睡, 優遊生活, 好過做元帥呀.