140427周日城門河畔

藍綠黃, 呢個係今個周日早上的顏色.

昨晚, 新聞天氣預告都話早上多雲, 能見度低, 稍後仲會有幾陣雷雨, 昨日都玩完大雨啦, 未有雷暴咋, 細媽仲諗住天陰, 去一條新單車路徑行下, 但媽咪未搵齊資料, 唔識路, 咪照舊入來小瀝源o羅.



又點估到晴朗天, 和昨日係兩碼子事.

台灣相思樹開花, 整棵變成黃色, 夾在其他綠樹中, 真係好靚.

嘩, 好耐未試過, 在小瀝源河影相, 背影係咁清咁藍.

加上黃花相思樹, 新傻瓜機影出來比 J1 靚.

我地成行經過, 見呢幾棵光禿禿樹枝, 今日出葉又出花, 見沙角村都有一棵, 掛個牌寫: 日本櫻花, 每樹花數唔多, 只知係重瓣, 葉又真係似薔薇科, 真係櫻花咩, 似桃花多D

乜品種都好, 起碼唔係六棵光樹.

出到城門河, 好彩無揀行吐露港或新單車徑咋.

媽咪, 你要我咁攀在欄影相, 有無覺怪左D.

我諗住天氣唔好, 又早早叫細媽起身.

打算雨未來前, 行夠補數.

快端午節, 健兒好勞力練習划龍舟.

媽咪話部新機的運動模式幾快, 對焦都好準.

快 11 點, 好曬呀.

可能又熱又攰, 鬼叫自己咁早起身咩, 我開始想入袋瞓午覺覺豬.

細媽號私家車又要開動.

咁曬, 都係唔行, 去埋沙角村食個早飯, 急急回家, 齊齊瞓大覺最好.