140420復三之甲龍林徑

今日第三日假期, 天文台又話最高有29 度, 媽咪本來想在大欖郊野公園一帶行山徑, 但點都要太斜上落車路, 佢上網睇舊日誌, 想起可以行甲龍林徑呀.

全段得4.5公里, 又全在高參樹林下, 有陽光都唔怕.

大帽山即係大霧山, 海拔高點, 濕氣多些, 又係厚雲在頭頂, 唔熱呀.

我地今日由自然教育徑進入甲龍古道.

因為行石砌道, 怕有青苔濕滑, 而且係下斜山路.

媽咪帶埋行山手杖俾婆婆, 萬無一失.

有隻6個月大唐狗BB, 第一次跟爸媽行山, 好驚青, 細媽怕小朋友嚇怕, 急急叫我一齊行離些, 但係我地係行甲龍林徑, 唔係行甲龍古道喎, 細媽唔好帶錯路

轉左先係.

因為林徑係早期植林區, 時光飛快, 樹木參天, 所以幾乎整段路都係樹林外步行.

細媽最愛的青苔, 證明呢帶空氣好.

途中經過小水流, 大細媽唔想我踏濕腳, 輪流抱我過.

滿山似有煙花般盛開.

原來呢種喬木叫黧蒴錐, 別名叫裂斗錐栗, 果實含豐富澱粉質, 缺糧時代, 村民曾經用果實磨粉在糧食, 媽咪終於知道行山常在地上見到似龍眼核的果實, 就係呢種樹果實.

踏入越野單車禁地.

樹林年代久遠, 終會有枯萎倒下.

好易過o者.

細媽, 我試過行.

 你一步檻到.

婆婆又成功.

好樹唔攔路, 倒樹咪快快過Lor.

話明行山徑係單車禁入, 有梅花椿攔車,但中途竟然有違規越野單車黨踩入, 媽咪好嬲, 鬧爆佢地, 好驚路窄撞到婆婆同我點算

我係行山狗地, 當然可以行.

四月尾, 仍有野生杜鵑花呀.

今日真係唔錯, 在林下.

連細媽都唔需要開遮.

婆婆拿手杖行, 另一手都可以輕鬆.

中途有伯伯經過, 佢地話呢段路最好, 夏天行都唔怕中暑.

當然唔係 100%樹蔭底, 但都係少少開揚路.

因係黃土泥徑, 潮濕日子, 絕對唔適合行, 雖然今日係黃色火災警告, 路面都有濕氣.

平位行完, 斜坡石級落山了.

大把時間, 等等婆婆先.

婆婆, 唔急, 薑汁撞奶應該唔會咁快買晒.

又有欄路樹.

婆婆諗左好耐, 終於在中間過.

見馬路, 快到終點.

慢步行兩小時.

到雷公田牛奶公司喇.

好好彩, 可能仲早, 有好多位, 我地仲搵到在風扇底的檯.
本來行山時好開心, 但當我在門口影相時, 聽到有大狗吠叫, 我嚇到無表情.

婆婆入門口, 見有山羊, 已經想買草餵, 媽咪堅持要食野先.

睇婆婆呢個老頑童, 不知民間苦惱.

媽咪話都好, 佢笨笨地, 易呃, 但又唔會笨到俾外人呃先好

婆婆好好記性, 話要睇埋兩隻大龜先走.

唔知係咪第三日, 攰定嚇親.

大細媽話我好樣衰, 好頹廢樣.

而且係行車路, 我咪上返私家車o羅.

到路口, 我地無安排, 見車就上, 最後係到左元朗, 食埋午餐, 之後淘晒三人錢包. 在公平行幫我買 Frontline Plan, Heartguard Plus 和杜蟲丸, 仲買足一年存貨, 無晒錢, 連想買包牛仔尾骨俾我及婆婆想買花生糖錢同晚飯都唔夠

買完又走去櫃員機拎左幾百蚊, 返轉頭, 本想只買3包牛仔尾骨, 原來兩包只需$120, 店員姐姐話買夠 4 包啦, 細媽見有白金肉粒又興奮, 但又驚唔夠錢, 最後老闆娘按 $60包牛仔尾骨計, 白金肉粒又計平

最後夠錢買花生粒同薑糖俾婆婆添