140501勞動在城門河畔

天氣變幻無常, 前日仲話勞動節會有狂風雷雨, 昨晚又改為早上有幾陣急雨, 大細媽都費事煩, 昨晚都唔同我提今日出唔出街, 我當然醒目, 清晨一場雨段, 我立即叫醒細媽起身勞動應節 :P

沙田無雨落過, 天陰陰, 唔熱, 好好行.

我又聽到大細媽講食飯事, 佢地話人活著係要食物延續生命, 我同意呀, 所以希望佢地識趣, 快快俾雞肉乾我食

上星期日曬到唔想行, 今日就唔同晒.

踏出每步都好爽.

時間仲早, 過對岸行多陣先.

又在沙燕橋過返另一邊.

計返時間, 剛好配合媽咪可以食野時間.

行左三個鐘, 未夠皮, 去食飯再行.

婆婆, 肚餓就行快幾步.

在大排檔食飯, 除左價錢平, 最重要係我都可以唔駛入袋屈蛇.

聽日要返工, 星期六又係細媽長週, 我可以休息兩日.

所以我地又去划艇會打咭先回頭.

今日天氣清涼, 都幾多朋友仔出來逛逛.

唔止多狗地, 單車仲多, 好多左搖右擺, 又駛上行人路, 大細媽都驚佢地撞到我同婆婆.

仲有一個月就端午節, 已經搭起竹棚.

午後, 天氣更明朗, 有太陽透出.

好開心, 今年相思花盛開, 四處黃花夾道.

仲有細媽愛的紫花添.

到左打咭地點 - 划艇會.

細媽話唔 hea 了, 否則遲走, 的士交更就難截車回家.

細媽怕文件博物館單車徑路窄多車, 所以我地今日行返車公廟果邊去大圍.

不經不覺三點九, 差不多玩左 6 個鐘, 好滿足呀.
希望星期日會變成同今日咁天氣就 very good