140418復一之山頂至香港仔港徑二

呢個復活節假期, 日日最高氣溫都會有 28-29度, 媽咪都好頭痛去邊好.

佢諗住好耐無上山頂, 打算早早行一圈, 應該無問題.

但細媽唔太鍾意行山頂, 事關太多遊客, 好嘈.

咁媽咪話另一方案, 可以行去香港仔, 而且全段樹蔭多, 唔驚熱傻.

出發.

樹蔭底下, 氣溫都低幾度.

咁當然都有開揚位, 好彩今早, 有雲, 而且太陽俾山擋了一擋呀.

見到均衡定向徑, 就係接上港島徑第二段.

入閘位, 第二段起步.

今早一起步, 見到好多朋友仔, 我次次都同佢地打招呼.

一路開心行, 媽咪行過晒上山路, 幸好細媽提下, 我地走返回頭咋.

上少少石級啦.

好快去到健身徑.

晴空下, 又有陣陣涼風吹, 都唔辛苦.

全段都係密樹中閒遊.

有陽光, 但又有蔭位, 我走左樹蔭下.

自在呀.

落山喇.

在涼亭旁, 有個開揚位, 我行出去, 就望到香港仔同鴨脷洲.

走到崖壁邊, 今日最曬的位置.

但都係幾分鐘路程, 我快快落到樹蔭位, 坐下等婆婆.

嘩, 又幾高喎.

唔驚, 我矮小, 都唔怕.

仲可以飛奔凌空跑.

休息下, 婆婆行到又繼續行.

全程最難一段, 咪石級高o羅.

有鐵鍊扶持, 無有怕.

雖然引水道無樹蔭, 但出奇地有風吹來, 係咪海風呢?

突然聽到細媽大叫救命, 原來又有蟲蟲爬左上佢頭頂, 仲周圍爬, 唔肯走.

媽咪忙住影相, 都唁得閒救佢
鬼叫細媽成日惹蟲上身咩

今日都唔算太曬.

間中開揚, 仲有細媽幫我灑水淋濕背脊.

行半日, 絕對無難度.

港島第二段完畢, 我地無打算繼續行埋第三段.

一早決定沿香港仔墳場落返香港仔中心.

9 :30am 起步, 13:23 pm到聖伯多祿中學, 輕鬆四小時.
接著坐小巴往旺角食飯行街, 充實的復活節假第一日
究竟第二日點安排呢