140426深井往大欖

細媽話今日可能有雨, 間中又有陽光, 佢決定去大欖一帶, 行半日, 應該唔會熱親我.

我知道有街去, 清晨 4 點就用手拍細媽頭叫醒佢, 佢唔睬我, 我又試下5 點再叫, 佢唔願郁, 我又6 點叫, 一直堅持下, 佢終於 6 點 8 肯起身勞動

大細媽咪, 你地見我開心樣, 係咪瞓少都值得呢

昨日都有微雨, 細媽話唔行泥徑, 怕地仲濕.

我地準備沿大欖自然教育徑直上.

呢段石壆係我至愛的 dog walk 路呀.

都未到十點, 天仍是陰陰地, 又有厚雲, 媽咪將新相機色調改為鮮艷, 睇下會唔會仲係灰灰地色.

太陽伯伯未開工, 但清風好勤力, 好舒服呀.

我地去到蝴蝶園, 見到百合花開, 落去望望先.

綠草襯托得我好靚.

去大欖, 記住在分岔位轉左, 否則就去左清快塘.

太陽出來了, 婆婆都打開傘遮陽光.

到最高位 - 觀景台, 必然休息飲水, 開始曬了點, 要飲水補充水份.

行完大段斜路, 開始輕鬆落山.

二表姐教落, 跑定向時, 坑渠都係一條路.

盡頭凌空喎, 二表姐呃我, 都係行返大路先.

見大欖水塘喇.

越來越曬, 我本來話要轉入泥徑行, 但細媽怕泥土未乾, 堅決繼續行車路.


漁護署重新在郊遊公園安排新植林計劃, 呢個位光禿禿好耐, 唔知會唔會種返些樹木.

但多左樹木, 我又出唔到來, 居高臨下望千島湖, 真矛盾.

兩旁高樹下, 夾著陣陣風, 我無憂無慮自由走.

行遠左, 又返轉頭催促佢地行

轉入大欖水塘段.

今日都幾多越野單車, 因為呢條徑係人車共用, 我每次見有單車來, 都會自動企埋一邊停等, 叻嗎

又到越野單車場.

呢度都幾好遮蔭喎.

咁耐只見過一次有人使用呢度設施.

佢地唔好, 我玩.

今日預半日, 準備行完, 出返旺角先食午餐呀.

大細媽俾我休息飲水外, 都要婆婆唔好太 hea.

否則三點幾都未有得食.

終於行完水塘段.

1點多, 過埋大霸, 好快行完.

陽光又收工, 乜突然大風左ge.

雲層又低左.

行快兩步呀.

又到相思花盛放, 黃花夾道時.

我地見有人爬出大霸外釣魚, 原來佢地係由呢個狹窄位捐入去, 婆婆話 : 我都行到

媽咪話佢肥, 唔信, 婆婆即時示範.

又真係過到喎

咦, 遠遠似有雨來, 唔留, 要走.


嘩, 落下喇, 快D跑....
細媽怕我濕, 即刻叫我上私家車, 好彩全家都有雨傘, 未到水務局宿舍, 雨點已經好大好密, 全家下半身都濕晒, 好彩去到大欖監獄入口的探訪登記處, 有蓋遮頭.
今日唔錯, 好好運, 行完盡興先來落雨
明日又話間中有雷雨, 究竟明天有無運去街, 好早揭曉