140406大澳素食團

嘩, 媽咪, 又朝早入來大澳, 唔怕落雨咩?

哦, 原來係迪蘇媽同噹媽知我地兩次都摸門釘, 佢地又食過番尋味, 約我地行東大古道, 再在大澳食素, 但天氣不穩, 取消行山活動, 分頭入大澳匯合.

我地昨日都行完山, 今日行少少啦.

虎山唔高, 上去行下, 碰下運氣, 睇下會唔會望到白海豚.


暫時天氣OK, 仲有少少陽光.

有就有白海豚, 咪假野law, 婆婆好大聲話見到白海豚浮出頭又潛返入水, 其他佢見係白頭浪

婆婆初初以為咁好彩, 知真相後, 都唔太信, 激屎, 無佢咁好氣, 行....

 

唔知高雲陰天, 維持幾耐呢.

上次來, 呢片山頭係翠綠, 清明時節就燒成咁, 先人都休息得唔安樂.

近期常有大雨, 希望唔會有山泥傾瀉呀.

本來, 細媽提議由寶珠潭果邊, 經山路上來, 婆婆上次行落山, 怕怕斜坡, 堅決反對, 其實上山易多, 佢唔肯, 我地唔勉強.

在涼亭休息下, 要落返山了.

多雲左了. 

我地行去大澳舊差館, 途經又見呢班貓咪, 隻隻肥肥白白, 唔止呢幾隻呀, 佢地見媽咪行近, 有幾隻走開左.

 
今日先見有呢個舊的大澳警署牌, 油漆脫落, 唔知係咪專登, 保留特色.

收到取消, 迪蘇快到, 我地出去先匯合佢地.

我地同迪蘇行海濱走廊, 因約左小噹子在東方小衹園等.

到喇, 第三次來, 終於可以食到東方小衹園的美味素食, 當然係無我份.

迪蘇 : 我地係做陪食專員咋.

小噹子 : 媽咪食早餐, 都有分俾我, 但今次無份.

開餐時, 下雨時.

五個大人, 一羹五餸, 好快食晒.

 
驚遲些狂風雷雨, 我地食完都決定齊齊走人.

暫時雨點少, 我地四個著晒雨衣先.

又要坐車, 放鬆下先, 因為要坐兩轉車先返到屋企呀.