140412彌勒山郊遊徑+法門古道

又來大嶼山, 唔通大細媽愛上離島 @.@
本來上年10月, 計劃左行彌勒山郊遊徑, 點知婆婆臨時點燈, 在鳳凰朝日, 改行石壁郊遊徑.
媽咪知今日會熱, 但呢段徑後段多樹蔭, 婆婆步速都係三個鐘, 行完一圈, 如果攰又熱, 咪回昂坪坐車走, 夠力氣咪行法門古道回東涌o羅.
坐左兩個鐘車, 真係坐到呆晒.

一落地行, 我已經由心笑出來.

我地由心經簡林轉去昂坪奇趣徑行, 因為小徑係唔怕有車來往.

今次講明, 唔轉去石壁水塘, 但我誤會左, 跟其他行山人士上鳳凰山, 行左一段唔對路, 回頭搵返媽咪, 佢地係度等我返轉頭, 佢地對我有信心, 知我識返來搵佢地

對上一次係12年12月行呀.
http://faphylok.blogspot.hk/2012/12/121222.html(121222彌勒山郊遊徑+法門古道)

細媽知今日行昂坪, 專登幫我戴呢頂黃色太陽帽,佢話襯返佛門顏色

起步已經多大石級, 婆婆同我慢慢步上.

早上未到10點, 陽光已在頭頂, 開始感覺熱了點.

我每見有樹蔭, 就快步行.

在樹蔭底下, 舒服地等婆婆行來.

上次來, 吵耳的擴音器, 污染寧靜大自然, 今日無開, 可以聽聽蟲叫鳥聲.

剛由鳳凰朝日起步時, 鳳凰山仍被雲海罩住, 太陽下, 雲霧散了.

行行下, 突然有兩隻村狗撲出來吠叫, 佢地無惡意, 媽咪同婆婆叫佢地返屋企, 唔好跟來, 佢地又真係停下回頭, 但一陣又折返跟實, 因為佢地起初吠聲, 我驚左一輪.

整段路, 都有開滿白花的樹.

好靚呀.

好彩好多樹蔭位, 我坐低影相等婆婆, 佢又有機會做佈景板

其實呢段又係鳳凰徑第四段一部份, 仲可以接上昂坪360救援徑落返東涌.

快到交匯點.

休息下先.

其實睇住吊車, 媽咪有D驚, 因為佢怕高, 唔太敢坐o架.

又到呢個特別號碼位.

等我又近距離合照先.

吊車在我地頭頂, 要留意了.

因為轉向站有一班陀地狗, 佢地對行山人係無惡意, 只係唔鍾意同類入侵佢地地頭咋.

當我行到呢個位, 細媽見有隻狗地坐係轉向站, 叫我停低, 等佢抱住, 靜靜地行過, 唔好打草驚蛇, 怕其中一隻發現我, 一定又追過來, 我好醒目, 一聽話有狗, 即定位.

安全過晒, 又由我自己行返.

上次係天濛濛, 今次睇到東涌好清楚, 仲見法門古道後段.

媽咪, 影相快手D, 熱o架, 好彩細媽幫我淋濕背脊.

行近些, 又清楚些.

今日都有風, 唔係乾曬.

就快入樹林下.

唔埋得你地, 我行先一步.

一入樹蔭小徑, 即時降溫低左幾度, 好舒服, 又唔悶熱.

樹林下係好, 但有細媽最怕的吊吊蟲掛在路中.

見羅漢塔同凰峰.

好快完成一圈.

熱熱呀, 我最叻揀樹蔭下, 等媽咪打咭記低時間先, 又剛好行左三個鐘, 婆婆速度, 唔可能快

走完一圈, 都未到一點, 婆婆話咁早, 行埋落山都得, 好短路o者, 於是, 我地去埋廁所, 大休食個蛋糕, 又開始落山.

剛起步未入樹蔭位, 又剛好有雲擋左陽光, Good

一路有樹蔭位, 而且又係落山, 好輕鬆.

成日行山都見毛氈苔, 今次見比較大花朵的, 成 1 CM大, 第一次見.

十方道場.

途中, 婆婆又抬頭八, 小心石級呀.

行到石門甲, 成左11公里多, 我終於識攰, 而且行出東涌市一段, 都有太陽曬, 細媽抱我行到東逸村天橋, 我先自己行返.

今日夠皮, 早些回家休息, 我又聽到大細媽商量聽日去邊好, 呢D唔關我事, 我責任係負責陪玩, 唔係, 係佢地陪我就真