131229半走大潭郊遊徑再下大潭道

昨日細媽提議話今日行下港島, 12月初行過紫羅蘭山徑, 今日就行上紫羅蘭山頂啦.

媽咪問想點行, 不如行大潭郊遊徑上山, 我地曾在091018  http://faphylok.blogspot.hk/2009/10/091018.html 行過, 細媽竟然無印象, 4 年無行o者, 咁都唔記得

起步即重重石級上.

媽咪打算半走咋, 預備落回大潭水塘道後, 過對面馬路, 轉港島徑第五段上渣甸山同畢拿山.

突然細媽話有蛇呀, 其實係一棵彎曲的松樹幹.

我行極都覺得有些唔妥, 又唔識點話俾大細媽知.

平時起步無耐, 我就會有便便, 今日行到咁高都未有呀.

有太陽暖下身, 我仲未有興趣想食雞乾.

今早起身未著衫時, 我全身凍到震o架.

媽咪, 我好似有D野, 你明唔明呀

到 436米 紫羅蘭山頂

媽咪見陽光咁好, 幫我除左褸, 驚我會熱, 又唔怕好似昨晚咁, 要梳個幾鐘解毛結.

梳順了少少毛毛, 我地又繼續行程.

基本都係落, 無難度.

又係木板級, 今日無大風, 唔怕似上次咁.

媽咪, 有好多高級, 可唔可以抱下我.
媽咪抱我落晒石級, 當我自己行平路時, 我突然嘔黃膽水, 嘔完好似好點, 媽咪再俾返些雞湯俾我飲, 怕我肚空唔舒服, 再行左一小段, 我再痾左一大段較軟便便後, 成個精神返好多, 大細媽懷疑我今早凍親肚仔.

到 C4103與衛奕信徑匯合位, 媽咪怕我頂唔順, 取消今日計劃, 諗由衛徑落大潭水塘, 定係落回陽明山莊.

細媽話落去陽明山莊, 睇我情況再定.

我嘔左又痾左, 感覺良好呀.

仲可以自己行, 又肯飲雞湯.

陽光再曬下.

我面容寬容返了.

仲再痾多一篤軟身便, 舒暢返喇.

落到大潭水塘道, 媽咪話不如直落去大潭水塘, 唔去大風坳, 早點回家, 因為我 pat pat 黐了少少便, 又成身沙塵, 等日落前, 開埋暖爐沖個快涼, 咁等全身毛可以暢順不打結.

事關要行一小段車路先入到閘, 細媽順便用頸巾抱我保暖, 過晒最大風的閘位先, 免得又凍親我.

其實我無乜大礙, 行得食得, 大細媽, 放心喇.

楓香好似 7 仔咁, 仲有幾棵在附近.　

婆婆今日都無除衫口呀, 冷親我地兩個, 大細媽最頭痛.

唔上大風坳, 即唔過大霸.

雖然今日行程改短左, 午餐係唔可以 cut, 有我至愛斑蘭蛋糕, 細媽話食少少都可以呀.

都話僅有一棵都附近.

噢, 咁細棵都影, 大棵先啦, 媽咪.....

媽咪 : 咁我影另外一棵喇.

物盡其用, 倒下的大樹, 改一改, 又成特式坐椅檯.

唔好以為我唔舒服, 所以笑唔出, 係因為我唔敢張口, 怕體溫走失, 我行緊時都有笑, 係媽咪影唔到咋.

一減行程, 1 點 9就到大潭道, 我地今日坐專線小巴往柴灣, 原來在康民工業中心落車, 回家都好方便, 記住個落車位先