131221大棠楓香林至大欖

星期一都仲有落雨, 細媽好驚濕滑路, 因為係曾經在烏蛟騰滑倒扭傷腳跟, 怕今日行山路仲未乾透, 驚我就濕腳更凍, 濕枯葉路又跣, 都係等多幾日先, 咁年尾喇, 咪行下大棠睇紅楓香o羅.  

呢D唔係松果, 係杉樹果, 佢地又幾似.

整左個"楓香林"路標, 更易帶遊人去賞紅地

我地今日遲左出門, 搞到要等車, 遲左到大棠, 大批龍友及賞紅人士已經大隊殺到.

呢幾個月都係大葉茶花盛開季節, 早上花兒未凋謝.

亦有其他花兒開.

過了大欖自然教育徑不久, 步入楓香路.

行人絡繹不絕, 想唔搵其他人入鏡都好有難度.

 我識抬頭望, 欣賞紅葉, 媽咪, 唔會低頭望鏡頭o架

早前天氣和暖, 楓香未變晒紅就已枯乾同掉落, 今日多數都係又黃又枯的, 加上今日天氣多雲, 影相唔靚, 但無算賞紅人士.

好熱鬧, 我仲以為去左旺角, 但旺角多數係聽到普通話, 呢度90幾%係廣東話

前兩年, 我地都在呢個位玩紅葉, 玩得好開心, 天色好, 葉又紅, 但今日唔掂.

望上去, 肉眼都係望到咁

或者行多幾步, 去另一個位睇下.

都係差不多.

再行遠點, 終於見有兩三棵較矮的楓香, 葉色唔錯.

只係得咁, 但就熱門多人站樹下影, 要排隊等位同識攝位

楓香林尾段, 大班龍友打葉.

我都爭取影多張就走喇.

睇完紅葉, 專心遠足了.

到吉慶橋, 又係大班行山人及單車人休息, 時間早, 我地唔大休住.

行山人多數睇完紅葉就揀行去田夫仔, 得我地揀去大櫬方向咋.

大欖水塘段, 除左我地, 只見越野單車往來咋, 比較寧靜唔吵耳

媽咪, 我霸左位, 不如提早大休啦
大媽 : 十二點都未到, 下個野餐位先喇

 近來大細媽返工忙, 仲鬥遲返屋企, 屋企糧餉短缺, 今日有目的地, 就係去九龍旺角, 幫我買白金肉粒粒, 所以我地決定直出青山公路, 就有小巴出旺角.

又話會出太陽, 都見到陽光少少又呢埋, 媽咪摸我耳朵仲係涼涼地, 唔敢幫我除褸.

事關每個彎位都可能突然有風吹, 婆婆都係打開拉鏈咋.

成日見毛稔花, 今日終於見成熟爆開的毛稔果.

差不多一點, 我地在溪流旁的野餐區食午餐後, 又繼續.

咦, 陽光多左喇.

不經不覺見大霸位, 即係花多一個多鐘就完成行程.

有D陽光, 樹葉色調出來效果都好D.

又係交叉點, 細媽話少左最後一個流動廁所位, 局住以後唔經女子監獄出公路

咁即係要過大霸啦.

芒草掉下, 得返支草菅, 媽咪都影, 你傻咩

等我表演下穿梭草叢絕技先.

最後廁所位, 要珍惜必用

落到男子監獄附近, 媽咪話有好多車駛入, 仲有泥頭車, 我就負責休息, 改由細媽車我出青山公路

到路口, 好快有車, 好順利到旺角, 買完所需用品, 女子們又食埋佢地話的冬至大餐 (大碗麵), 又係回家休息時