140101元旦九曲山落企嶺下

元旦, 咁早來馬鞍山燒烤場, 唔通朝早 BBQ ?

僅唔會, 我地肯定行山喇, 但今日來往馬鞍山村的車輛特別多, 有D車仲開好快, 明明係 8-10公里限速, 可能係老村民的親屬來採佢地喇, 為免有閃失, 細媽決定抱我行晒段車路.

離開車路, 呢個位一樣泊了好多車, 仲好多露營人士由昂平下來, 相信佢地係在山上睇 2014年第一曙光.

無車喇, 我可以好安全, 點行都得.

上山途中, 媽咪執到支電筒, 証明昨晚D人係摸黑上.

陽光照來溫暖, 我好早就除衫, 婆婆都一路上, 一路脫

媽咪話呢排無雨, 今日又乾燥, 適合上九曲山去企嶺上下.

兩年多無行呢段了.

次次都好大風, 唔知今日會點呢 

今日天氣一片藍, 仲係無雲, 妙絕

今日有人上大金鐘, 我都未上過, 因為斜度大, 又多碎石, 當然唔及蚺蛇尖勁喇

如果唔係有煙霞, 望去馬鞍山下及鹿巢山更清楚.

馬鞍山呀, 太靚靚.

預算行半日, 唔 Hea, 繼續上.

準備上九曲山.

媽咪好鍾意呢段路, 曲曲折折的山脊路.

橫過時, 一邊馬鞍山下, 一邊西貢, 當有季候風來, 又吹到人東倒西歪

往馬鞍坳前進.

到馬鞍坳, 我地當然轉落山, 見兩名外籍男士帶一名小孩上馬鞍山, 我地都覺位小朋友好叻叻.

又見猩猩頭, Hi 

我地揀乾燥季節, 就係落山呢段, 多數係較另一邊潮濕, 今日行係乾碎石路, 第一次咋.

每次都要扶樹幹慢落, 濕滑路會跣親婆婆呀.

婆婆, 睇實條路, 我會等你.

唔止楓香, 滿山都有好多紅葉, 又係仲有幾棵在你身邊.

碌碎石路到平路喇.

過埋竹林, 會接返車路.

細媽, 係咪你又抱我行車路呀

o下, 唔係咩, 我自己行o羅,  都 OK, 你地睇實我喎

快入竹洋路, 因車路智接入黃竹洋村, 雖然唔多村民, 但都要留意有否車駛來.

今日氣溫舒適, 婆婆都脫剩兩件薄衣咋.

又轉返入郊野公園範圍.

呢度除了漁護署車輛外, 無其他車可以入來, 安心打橫打 Z 行都得.

企嶺下露營區都紮了多個帳幕, 仲有狗地一齊露營, 我費事行去騷擾佢地

行埋一小段就完成今日行程.

或者係元旦, 今日燒烤場都多人.

到企嶺下, 又即水浪窩及麥理浩徑第四段起步點, 我0依家真係要細媽抱抱, 行落去係西沙路, 車來車往喇