131208半走紫羅蘭山徑往大風坳

媽咪仲未好返晒, 婆婆又睇東華夜瞓, 今早起身都未定方案, 細媽想食灣仔包包店三文治, 惟有到港島先算.

在車上, 媽咪話不如行下紫羅蘭山, 但又驚無力行石級攀多200多米上紫羅蘭山頂, 我地改行紫羅蘭山徑, 我地 081214 http://faphylok.blogspot.hk/2008/12/081214.html 行過呢段, 因為其中一段係沿懸崖的棧道行, 大風時都幾危險, 有點心怯, 呢幾年都無再踏足

呢氣線都幾熱門, 起步沿引水道行, 今日又有越野比賽, 又多行山人士, 大家都要在窄路互讓

引水道在此終止, 要接上泥徑.

婆婆, 雖然呢條路無愉石級, 但碎石同有突出樹根, 要留意地面, 唔好只顧東張西望

前段多在樹蔭下.

見開揚位, 即快到崖壁棧道.

轉入淺水灣一邊崖壁, 一邊懸崖, 好彩有鐵欄, 我又乖乖無亂走.

因為一唔小心, 跌落山就粉身碎骨

大風時, 有機會有碎石滾落, 幸好今日無乜風, 只要企定定都唔怕.

好多位都好窄, 大家都要慢慢互讓行.

又拐入樹蔭底小徑.

又出返無鐵欄山徑.

有對頭行山人, 都要小心呢.

細細欣賞淺水灣一帶, 但煙霞多呀.

幾時先過晒無欄峭壁呢

又係茶花盛開季節, 整個山頭都開滿白山茶花

到十字路, 又要決定行去邊, 媽咪唔想去大潭道, 因為返屋企要轉車, 所以我地繼續前行, 入返引水道去大潭水塘

最緊要唔辛苦, 事關媽咪藥物發作, 睡魔急 CALL

行引水道安全, 唔怕叉錯腳

話咁快出返水塘, 我地會上返大風坳

上斜無難度, 媽咪頂到呀

幾次到呢個位附近, 都撞到同一班朋友同一隻莎莎, 我地在西貢行山都見過, 今日又遇到, 真有緣

今日大風坳唔大風, 但我地唔會留太耐, 去完洗手間, 都係快快落山

傻傻下又舒服行左 6小時, 今星期活動完結, 我又開始展望下星期, 究竟媽咪會唔會又翻炒舊日足跡呢