細媽話要學下養生, 所以昨天長征完, 今日要偷得浮生, 來個半日閒.
今日陽光照來, 比昨日熱多了, 媽咪都覺得時間好配合, 如果昨日咁熱, 上高山, 無遮掩會特別辛苦呢
我地在獅子會周圍行下, 等腳筋再拉鬆些
好奇怪, 第一次上鳳凰山後翌日, 全家大小腿都痠痛得好利害, 今日全家都只係輕微酸軟, 婆婆話唔太痛, 反而兩星期由黃龍坑郊遊徑落來, 難度更高
楓香漸紅, 又要揀定日子了.
幾時好呢
媽咪唔想沿西貢公路行去西貢市中心, 於是改去白沙灣遊艇會後的小山徑, 準備轉去對面海村
沿輋徑篤路行去遊艇會, 因為係車路, 大細媽全程輪流抱我
接返小徑, 當然自己行啦
平路都OK....
到分岔位, 係一大段斜路上, 雖然已經有木板間成一級一級, 比以前好行多, 但我經昨日上落大石級, 腳仔攰攰, 扭計唔想行, 細媽鍚我, 抱我行上去, 而婆婆就要自食其力
到返平路, 我可以自己行, 無問題
行山有上, 當然要落啦
望見大金鐘, 又想起另一段路, 等溫度合適又唔潮濕, 又行下.
我地抵祿善亭, 全家坐晒亭下享受閒情樂.
細媽話有個枕頭就好, 可以瞓晏覺
想瞓, 不如早D行完返屋企瞓仲舒服啦
今日近近地行一小圈, 夠皮了
行返出對面海村, 又係搵食時候, 呢幾位女子, 除左愛行山, 亦成日一路行, 一路講食野, 食得是福呀, 當然, 佢地都食得好簡單, 一碗粉麵都係美食, 但有得食, 已經好好, 大細媽成日話, 要知足常樂
行山路去返對面海村要幾耐架?
回覆刪除