2013年12月25日

131225聖誕@大浪西遠足徑

早兩日先玩完, 想唔到休息兩日又有得出外玩.

原來係聖誕節, 細媽忙裡偷空, 午飯時幫我整左一頂新太陽帽, 咁我就變身聖誕鹿, 可以在郊野縱走



朝早仲係凍, 行到赤徑, 我耳朵仲係凍.

 唔可以除衫, 更加唔敢開口笑.

今日赤徑岸邊好多成呎長大鹹魚, 唔通都係凍僅

陽光照在身唔太熱, 但向陽光位, 都張唔開眼睛.

細媽, 又話今日 Hea, 等埋婆婆好喎.

媽咪話本來之前今日計劃係另一地點, 但計劃臨時要變, 改行大浪西遠足徑.

我同婆婆都唔揀擇, 有得玩, 有得食就唔舉手反對

我地以為昨晚好多人去慶祝平安夜, 無乜人行山, 原來唔係, 好多人過晒我地


到大浪凹, 都有人上蚺蛇尖呀.

落鹹田灣途中, 熱晒身, 我脫衣回復毛孩樣, 但太陽帽係必需品, 唔除得, 除左就曬到流眼水




入大圍村, 我又要等細媽抱呀

又話有村狗, 要快快行過, 但呢三個為食女子, 聽到呢間村式私房菜小店有剛蒸熟茶果, 又坐低品嚐下, 又真係幾好味o架

其實村狗好乖巧, 只係大細媽怕我吠狗逗玩, 嚇親佢地, 到時失控難應付場面

婆婆聽到細媽話今日水位較高, 佢怕過獨木橋, 自己行麥理浩徑到鹹田灣, 佢話快到廁所, 其實我地都未行過, 佢搵藉口就真
我地都有在河對岸同婆婆打招呼

我地過左河喇.

唔知婆婆行到邊呢

原來婆婆好快就到廁所, 入埋去除衫, 我地仲在外邊等, 以為婆婆未到, 見婆婆由廁所出外, 大細媽都嚇一跳

齊人, 我可以跑沙灘喇









夠皮

唔止愛跑沙, 也愛掘沙沙

媽咪話我超滿足後, 笑得特別甜


婆婆今日成日變 look , 第 4 個造型

就快到大浪西灣喇


今日有煙霞, 光位又唔正, 否則張相更好呀.

水退了, 今日無經橋過, 直接由小徑行落沙灘.



時間唔早, 我地無落沙灘另一邊, 上山走了.




媽咪話, 我係沙灘小子, 每次跑沙灘就必定好開心, 我認o架

當到西灣亭, 剛好有村巴, 我都攰了, 上到車, 我在袋轉了兩轉, 轉到舒適位, 就呼呼大睡

1 則留言: