131222大水坑往大水井

因為上星期無沖涼, 全身毛毛唔太順, 媽咪話今日暖返D, 玩半日, 早點回家洗白白, 昨晚臨瞓前, 提議來大水坑, 我地真係好耐無來了.

一早都唔夠 11 度, 又話會暖....  , 起身都貓王上身, 都係著返件褸先出門.

以為行城門河畔, 原來係行上去梅子林村呢.

天氣凍, 有陽光都好點

上到梅子林路終頭, 唔怕成日留意有無上落車輛.

 梅子林村已經封村, 幸好在外圍有路入.

有路過已經好, 唔知沙螺洞村, 幾時可以開返呢

梅北古道多數在樹蔭下, 全家都唔敢脫下厚衣呀.

我腳仔同耳仔都係凍o架, 但都仲應該到行山

如果茅坪村又話要重新開發, 都想像唔到會變成點

一星期, 石砌古道都仲有些微濕, 明白細媽擔心o既, 完全為上呀

婆婆, 唔好話用濕來做做藉口, 一步一步行o羅. 

仲有幾步到今日最高位 - 茅坪五聯達, 但婆婆成日問係咪行去昂坪

到大草地, 陽光普照,  暖笠笠, 我可以除衫, 媽咪今日醒目了, 帶埋大豬鬃毛梳, 陽光下, 梳返靚仔樣見人, 唔係一團大毛團

當然可以再行去昂坪啦, 但多行一段, 咪遲返屋企, 趕唔切 5點半入黑前, 吹乾全身毛毛, 婆婆又要在太陽未落山前沖涼o架

到大水井古道, 媽咪, 婆婆, 你地仲唔行

如果昨日咁好天就好, 咁影楓香會靚D

以前行到呢個位, 三位女子就好雀躍, 因為好快就可以老闆娘度, 食至愛的日食, 細媽好懷念泡菜豚肉鐵鍋飯添, 可惜老闆娘捱唔到加租命運, 唔知幾時,  我地先可以搵返間舒服食堂呢