131207三訪橫七古道

玩完三高, 媽咪想翻炒以前曾踏足的路, 本來想行段稍長的路線, 但細媽見媽咪今星期有四日做到 10 點幾先收工, 仲要在抗拒力弱下得了傷風, 細媽驚弱兵媽咪抵唔住, 話不如行下橫七古道呀, 起步點就係新娘潭八仙嶺自然教育徑.

今次係第三次行, 對上兩次係 091010同 071019, 原來足足有四年無行過
http://faphylok.blogspot.hk/2009/10/091010.html
http://faphylok.blogspot.hk/2007/10/071019.html

第一次行時, 當時天氣都熱o架, 又一路上石級, 但今日變了好舒服

因為路短, 唔夠 7 公里, 細媽俾媽咪同婆婆 hea 行.

今日好耳屎執呀.

又到橫山腳

落橫涌石澗, 石級比較高, 亦係今日最難, 但都只係望見呢個高度咋

我地兩次來, 都見有蠑螈, 唔知今日有無發現呢


神眼細媽一望就有發現, 仲指俾婆婆同媽咪睇, 但媽咪可能太笨, 望左好耐都唔見

見喇, 放大就見

繼續行程.

到W129, 要接返衛奕信徑.

開始步入橫山腳下...

全段呂多數在樹蔭下, 夠爽

到橫山腳下村, 村民在上世紀60年代已經遷走.

剩下荒廢石屋.

廢村一帶, 長滿紫色花, 好靚靚, 婆婆又要臨老入花叢喎

又到橫山腳上村

附近搵到好多碗碟碎片, 已經超過50年, 花紋仲好靚呀, 可惜唔完整呢.

好似唔見左個石磨, 唔通我地快步行, 無留意, 定係俾人搬走左呢

橫山腳南橋.

又係快步過, 無在北橋留影

上黃嶺 3 公里 (1.5小時), 媽咪話諗下

七木橋村.

我地會落鹿頸, 但時間太早, 我地行去尤德紀念亭先折返.

到亭, 可以欣賞下山下景.

在煙霞咋, 否則美絕.

鏡頭下的南涌及鹿頸.

我太矮, 都係要細媽抱高我.

落山喇, 婆婆, 呢段路碎石較多, 要小心呀

我與鹿頸

到鹿頭村, 因為怕有村狗, 我唔再行, 又要上私家車

拉長慢行, 都係兩點咋, 本來細媽提議行去鳳坑, 但媽咪怕一來一回, 到時遲走會難搭車, 不如早回家休息
今日行完, 媽咪拎地圖睇, 又想到路線新配搭
我唔埋去邊, 係點行, 有得玩我就無異議