131130再戰鳳凰山

牛牛 : 又見老弱殘兵一條 Dog o係伯公坳出現 ge

上星期預左, 今日天氣必定好, 最多係凍少少o者, 我地為實踐在2013年底前, 等婆婆在75歲前, 在明亮眼睛下, 放眼世界, 再完成全港三大高峰, 再戰海拔 934米的鳳凰山

第一次挑戰, 在東北季候風下, 又凍又吹到傻, 步履不穩

120331東北季候風下攀 934 M 鳳凰山

http://faphylok.blogspot.hk/2012/03/120331-934-m.html

今日陽光普照, 但在大嶼山, 一較氣溫較低, 媽咪出門時, 怕我凍親, 幫我著定衫先.

暫時唔算太凍, 但我唔敢開口, 怕體溫走得快

婆婆都著左好多衫, 冷病就唔好喇

同前星期六一樣係藍天呀.

上了一段路, 熱左身, 我同婆婆都脫衣, 媽咪負責揹衫同睇實婆婆, 細媽就負責照顧我, 等我攰時, 有私家車坐, 各司其職

我地無緣睇日出日落, 原來陽光照在海面, 真係好靚呀

細媽一早話上次行, 都影左好多相, 今日唔好浪費時間花在影相上, 但我地都要停一停, 等一等婆婆, 加上晴天下, 唔影會蝕, 仲會令我賺少了 more勞費 lor

媽咪都要爭敢下上鏡

鳳凰山近在咫尺

回望已行的一大段, 婆婆仍努力一步步上.

第一次來, 天陰陰, 又大風, 企都企唔穩, 今日陽光照在身, 係有點熱添

婆婆, 你 OK 嗎

婆婆 : 我當然 OK

今日好多人上鳳凰山, 每當有行山人在我地身邊經過, 大家閒聊, 絕大部分人都話行山係享受, 其中有一位在喉嚨有造口的伯伯, 都同我地傾了幾句, 見佢咁, 仍然享受生命, 仲健步如飛, 比佢其他朋友快步, 絕塵而去, 我地好佩服

到涼亭小休, 又繼續.

婆婆仲未攰, Good

見羅漢塔, 又近一步

到南天門, 今次無大風, 唔怕吹落山

南天門外的狗牙嶺, 我地止步呀.

婆婆仍在努力中...

就快到頂, 加油

每級都好大, 好高, 好企, 冬瓜婆婆, 慢慢提起短腿, 都幾吃力, 但佢無怨言, 因為佢享受辛苦中

我地兩婆孫又上到海拔 934米的鳳凰山, Yeah

擺個 74 手勢, 記錄下先, 等婆婆自己睇返時, 慢慢回味

山頂人多, 我地可以有合照喇

我地在山頂大休, 食午餐, 但我心情好興奮, 自己走勻山頂每一處, 又跳上大石周圍走, 驚險萬分, 媽咪叫極我都唔聽, 最後媽咪鬧我呀

我唔想, 我由心底開心出來, 控制唔到

在山頂望多望, 要準備落山.

落出名的天梯.

婆婆, 準備好未, 但行完上次黃龍坑郊遊徑, 今次顯得簡單多

回味山頂的藍天白雲, 正

天梯每步好高, 婆婆今次行得輕鬆多, 唔通訓練有素

又到狗頭鍘, 唔係, 係斬柴坳, 全家想起上次笑話, 又笑一大餐, 好白痴

見昂坪, 好快到喇

婆婆 : 呃人, 落極都係石級

婆婆, 無呃你呀, 見呢張櫈, 真係快到呀

行下, 呃下婆婆, 咪好快到o羅, 見到心經簡李林喇

晴朗天下, 完成鳳凰山之旅, 唔知會唔會再 encore 呢

當然都要睇我同婆婆身體狀況啦

落山好似快左, 用左兩個鐘咋, 我地行去昂坪, 正式完成今日行程, 都未夠 6 個鐘, 保持紀錄, 無退步呀. 對其他人來講, 乜咁慢0架, 但對我地來講, 我地係享受生命樂趣.