170430上窰郊遊徑

昨日一路玩, 大細媽一路商量今日去邊好.

本來諗住去香港仔水塘, 但過港島, 交通始終都長, 好耐無去西貢, 咪決定行下上窰郊遊徑囉, 又可以順便幫我買日用品.

點知一波三折.

1) 朝早 7 點半, 小巴站已經排長龍.

2) 入到西貢市中心, 幫襯開的麵包店結業了.

3) 坐的士, 快到北潭涌閘口, 又塞車, 原來有慈善號, 塞左好耐先到元五墳.

雖然, 最後要搞到 9 點先可以起步. 其實我仲未瞓.

我坐車補眠都未夠, 好眼瞓.

媽咪 : 清醒下啦, 起步喇.

今日都應該好好天.

正式起步.

一起步, 精神晒.

呢段路唔長, 上落唔大, 但多碎石, 婆婆拎行山杖輔助慢行就得.

都話我係山野小孩, 行山就開心笑.

行下, 大細媽傾下歇, 又到曝罟灣營地.

因為多樹蔭, 又預左 11 點半左右都肯定行畢全程, 絛帶 cooling coat.

熱熱咪噴水在背背囉.

崖邊, 感覺熱了, 影一張夠喇.

昨日行左十多公里, 媽咪都驚我攰, 所以挽我行, 我無抗拒.

我同婆婆年紀大, 要留力, 因為聽日仲有一日假, 接住大後日又係假期.

婆婆無老人優惠, 無私家車坐, 得我有咋.

落回自然教育徑, 因為已經係石屎小徑, 細媽俾我行多陣, 但又唔幫我整埋下儀容, 頭髮亂晒呀.

幾個月無來, 對面渡假營的帳蓬都換左新的了.

雖然有陽光, 但加埋海風, 又唔係太熱.

好舒服呀. 但下星期又有雨, 又濕, 唔知又可以去邊呢 ?

展望下星期, 給我合適天氣.

時間唔早, 快快出路口截車.

已經 11:50am, 比以前慢左好多, 希望返到市中心, 搵到位食飯啦.

當我地到市中心, 嚇一跳. 事關我地好耐無在星期日入西貢, 人多車多.
巴士同小巴塞滿人, 又多假日私家車, 搞到大塞車, 等左好耐小巴, 一係無小巴返來, 一來過 7 - 8 架返. 好彩, 上車出市區順利咋.

因為幫我買左兩大包尿片, 媽咪話好重, 我地今日唔在彩頤總站落車行返屋企, 改在彩雲轉車直達屋企樓下, 婆婆話點解以前笨, 唔識咁轉車喎😵