170408香港仔水塘兜兜轉

又周末, 又話潮濕有幾陣雨. 唔敢去大欖深井, 又唔去城門水塘同大潭水塘. 

不如試下去好耐無去嘅香港仔水塘啦.

由灣仔峽公園香港仔郊野公園入口起步, 慢落, 婆婆應付到.

本來, 細媽話沿水塘道直落水塘, 但媽咪話天氣好, 地面又乾爽, 不如行下金夫人馳馬徑.

又即係港島徑第四段.

山徑舒服呀.

香港帶唇蘭_香港安蘭

花期係 3-4月.

水呀.

想落水玩, 大細媽唔批準.

野生紅杜鵑, 今日唔多見.

仙茅花.

又到分岔位, 本來細媽預落返上水塘, 怕婆婆上石級, 但婆婆記得上石級, 可以去另一邊風景好靚, 佢轄出去, 死就死喎. 婆婆, 唔駛急, 我地慢慢上.

媽咪幫婆婆拎背囊, 減輕負擔, 輕鬆慢上.

接住到呢個位, 婆婆認到路, 在電塔下過去觀景台.

個樣無事, 無攰, 無氣喘.

我都係.

接住無石級上.

有晒指示.

唔驚盪失路.

豪邁婆婆, 點及我咁斯文.

呢邊沿途望黃竹坑一帶.

空曠, 炎夏不宜我行.

又到十字位, 我地又認定向上水塘走.

轉入林徑下, 無咁熱了.

係香港仔水塘, 先有的小瓷磚砌石檯.

見燒烤爐場, 即係在好近水塘.

上水塘水霸.

點都要落來同水霸影返張相.

我記得好細時, 同二個表姐來水塘餵魚.

都十年前了.

當年黃昏摸黑, 由細媽帶我同二個表姐, 衝返去燒烤場.

不經不覺又行左半日.

好滿足.

呢度路程遠, 但唔難行.

一於遲些又來.

到閘口, 出去係車路, 我都準備上我部老爺私家車, 轉車返去菇亭喇.