170404藍天清明半行城塘

清明時節未必雨紛紛, 今日假期, 又係星期二, 但今日齊晒四口組出動.

拜山日子, 太多掃墓人士駕私家車入, 唔可以去深井大欖水塘一帶, 又唔想去大潭水塘, 因為回程車程太長了.

諗住行城門水塘, 在引水遁閘位, 已經有🙊出沒, 搞到全家食早餐都好鬼祟.

來呢度, 真係又愛又恨.

一見馬騮, 大細媽就好緊張抱我.

得一日假, 又係早起身, 又係未醒個樣.

今日陽光照來, 好舒服, 唔係炙熱.

吸收左陽光, 精神了.

細媽專登幫我戴呢頂太陽帽, 唔駛俾行山人當我馬騮.

但就以為係女仔.

沿途好多人讚我得意, 我做唔到寵物醫生.

但帶俾人開心歡樂.

大細媽都好足夠.

來到半閒亭.


媽咪想起 2017年4月1日, 蘋果日報果籽有到半閒亭命名-

郊野公園很少亭有名稱，城門郊野公園的半閒亭是其中一個。1986年，已故園林藝術家陳從周於亭附近的石椅坐下，看見樹的倒影很美，於是為亭命名，及題了一副對聯「林壑春風聞鳥語，午陰嘉樹看清園。」

摘自蘋果日報果籽: 城門水塘於1937年建成，那時土壤流失沖刷嚴重，白千層在近水地方生長較好，因此大量種植，位於半閒亭附近的白千層林，夏天雨季來臨水漲形成水浸白千層。

雨季未來, 暫時都可以落呢片大草地.

暫不多, 回程了.

要就婆婆, 暫時都唔會長征.

我都好鍾意半日遊.

今日特別多人來行郊野, 以為好多人會選擇拜山.

行山人多, 即係會多的士上來啦.

咁唔駛好轉接.

到遊客中心, 仲不停有人坐小巴同的士來.
好野, 順利截到的士, 可以快快返菇亭食飯.
茶餐廳好多姨姨都認得我地喇, 一坐低, 已經問, 係咪又行完山返來呀.
都話我係山野小孩, 係人都一望就知😁

雖然好乾爽, 始終都有外出, 當然要梳洗清潔啦.
接住, 又去同周公子傾歇呀.