170415爛便便

甜甜午睡中, 俾細媽叫醒, 見媽咪換左衫, 又幫我梳毛毛同頭髮, 仲以為去街街, 點知坐完車, 伸頭一望, 又來呢度.

今日體重 5.7 kgs.

就係我又痾爛便呀.

上星期六去香港仔水塘, 已經有血便, 但精神好好, 細媽將丸狀同粉狀益生菌一併俾我食, 見食左兩日就有返正常便便, 以為無事.

點知昨晚又有, 而且又似混左血, 有點橙橙紅紅色, 有透明滑黏膜狀包住便便.
本想即時睇醫生, 但預約爆滿, 姐姐建議話情況唔好, 急的話, 試搵附近 24 小時醫生.
我都無睇其他醫生, 大細媽見我無嘔, 又精神, 約左今日四點, 睇返陳醫生姐姐.

今早晨步, 便便唔算太爛, 無黏膜狀包住便便, 但橙橙地.

醫生話我腸發炎, 所以有腸壁黏膜發炎脫落致流血, 食返藥, 調理返就得.