150403甲龍林徑

復活節長假第一日, 媽咪話雲較多, 搵條樹蔭多路徑行下山, 唔怕熱親我.

一於行甲龍林徑啦.

大帽山一帶真濕潤, 明明係黃色火災警告訊號, 呢帶都濕都咁.

濕加青苔.

婆婆, 今日路程短, 慢行無問題, 最緊要安全.

仲有好多紅杜鵑, 棵棵都好大.

 媽咪一早準備行山杖俾婆婆.

婆婆慢, 我地每行一小段, 都停一停.

媽咪 : 我地係行林徑, 唔係行古道呀.

知啦, 知啦, 小心單車, 因為呢段同越野單車徑重疊, 齊齊人車齊讓路.

轉入林徑, 會安全.

有閘位阻單車入, 但佢地都會抬單車入去呢.

我地遇到兩位漁護署叔叔行山巡查, 相信單車黨暫時唔會入來.

旁邊係斜坡, 窄路時, 有單車衝入, 避車都危險, 嚇一嚇會好易跣倒.

扭麻花 ?

原來係白花油麻藤.

又叫雀仔花.

今日第一日, 精神足.

媽咪話我一路行, 都係滿面笑容呢.

神奇植物, 每棵都係維持在頂得四片葉, 另加一串花絮. 媽咪搵資料,  似"寬葉金粟蘭"或叫四塊瓦.

又見喇, 又見喇.

仍是滿山紅.

仲有野生大蕉, 究竟食唔食得呢 ?

其實一轉入林徑, 泥地已經乾爽好多, 但因係落斜, 都係要小心.

媽咪話有恐龍出沒, 有大大隻恐龍腳.

長命斜級來了.

我當然扮乖等婆婆.

見到呢段路, 即係行完了.

我地 hea左三粒鐘行完, 仲係好早.

難得來到附近, 唔好過門不入, 一於滿足下婆婆.

入來食碗薑汁撞奶.

早排細媽成日話唔見油桐花, 今日見到大大棵.

唔止, 仲有紅棉.

遍地紅.

玩半日夠, 仲有四日, 要留力.

我地出返元朗, 本來想幫我入貨, 點知公平行係逢星期五例休, 激屎呀. 要再安排入去元朗多一次喎.
無所謂啦, 都係去玩順便o者.